Баасанхүү.О 2016.01.22 | Сонин: Монголын мэдээ

Даргын шийдвэрийг дагаж болсон

Даргын шийдвэрийг дагаж болсон
УИХ-ын гишүүн О.Баасанхүү

Гүйцэтгэх засаглалын тэргүүнийг огцруулах асуудлаар хуралдах байсан Төрийн байгуулалтын байнгын хороо ирц бүрдэхгүйн улмаас 13.30 цаг хүртэл хойшиллоо. Хуралдаанд өглөөнөөс эхлэн АН-ын найман гишүүн, ИЗНН-ын нэг гишүүн ирж суусан. 

Харин огцруулах асуудлыг өргөн мэдүүлсэн Г.Уянга болон эвслийн бүлэг, МАН-ын гишүүд хуралдаа суухгүй алга болж төрийн ажлыг гацаалаа. Эвслийн бүлэг өглөөнөөс эхлэн хуралдаж Засгийн газрыг огцруулахгүй байх шийдвэрт хүрсэн юм. 

Мөн огцруулах саналыг өргөн барьсан гурван гишүүндээ ч анхааруулга хүргүүлсэн. Тэгвэл Г.Уянга гишүүний өрөөнд Ерөнхий сайдыг огцруулах асуудлыг өргөн барьсан Г.Уянга, О.Баасанхүү, Л.Цог нар хуралдаж байгаа бололтой. О.Баасанхүү  "Даргын шийдвэрийг дагаж нэр хүндээрээ дэнчин тавьсан. Одоо болно. 2016 онд гишүүн болохгүй байж магад. Гэхдээ хүнээрээ үлдмээр байна" хэмээн жиргэжээ.