ЗАСГИЙН ГАЗРЫН ТОГТВОРТОЙ БАЙДЛЫГ ДЭМЖИЖ МОНГОЛЫН БИЗНЕСИЙН ЗӨВЛӨЛӨӨС ГАРГАСАН МЭДЭГДЭЛ

Улсын Их Хурлын эрхэм гишүүдэд

2016 оны нэгдүгээр сарын 26-ны өдөр

2016 оны нэгдүгээр сарын 19-ний өдөр УИХ-ын нэр бүхий 19 гишүүн УИХ-ын даргад хаяглан албан ёсны захидал ирүүлж, Ерөнхий сайдыг огцруулахыг шаардсан байна. Энэхүү шаардлагатай холбогдуулан бизнес эрхлэгчид, тэдгээрийг төлөөлж Монголын Бизнесийн Зөвлөл (МБЗ)-өөс Засгийн газрын тогтвортой байдлыг дэмжиж дараах мэдэгдлийг хийж байна.

Юуны өмнө Ерөнхий сайдыг огцруулах шаардлагаа Оюу Толгойн “Далд уурхайн бүтээн байгуулалт, санхүүжилтийн төлөвлөгөө”-нд гарын үсэг зурсантай холбогдуулан тайлбарлаж байгаад бид гүнээ харамсаж байна. Оюу Толгойн хөрөнгө оруулалтын гэрээг арав гаруй жилийн турш хэлэлцэж байж баталсан. Одоо бид гэрээг хэрэгжүүлж үр дүнгээ үзэх хэрэгтэй байна. Аж ахуй эрхлэгчдэд хөрөнгө оруулалт, бараа үйлчилгээ нийлүүлэгчдэд үйл ажиллагаагаа үргэлжлүүлэх боломж олгохуйц мега төслүүд, хүмүүст сайн цалин хөлстэй ажлын байр хэрэгтэй байна. Эдийн засаг сэргэвэл хүн бүхний ашиг сонирхолд нийцэх нь дамжиггүй.

Одоогийн Засгийн газар, Ерөнхий сайдын зүгээс хэрэгжүүлж буй бодлого, шийдвэрээ үргэлжлүүлэн хэрэгжүүлж ажиллахыг бизнес эрхлэгчид тууштай дэмжиж байна. Аж ахуй, бизнесийн үйл ажиллагаа цаашид өргөжин хөгжиж, хөрөнгө оруулагчид Монгол Улс руу дахин зүглэж, улс орны өсөлт хөгжлийг хурдасгахын төлөө төрийн зүгээс үр бүтээлтэй бөгөөд үндэслэлтэй бодлого хэрэгжүүлэх онцгой шаардлага байгааг бид хувийн хэвшлийнхэн болон дотоод, гадаадын хөрөнгө оруулагчдын нэрийн өмнөөс цохон тэмдэглэж байна. Дэлхий нийтээр, ялангуяа Европын Холбоо, хоёр хөршид эдийн засгийн өсөлт удааширч байгаа өнөө үед улс төрийн тогтвортой байдлыг хангаж, санхүү, эдийн засгийн байдал улам хүндрэхээс зайлсхийх арга хэмжээ авахыг УИХ-ын эрхэм гишүүдээс хичээнгүйлэн хүсэж байна.

Засгийн газар тогтвортой байж, залгамж чанарыг ил тодоор хадгалж, улс төрийн алхам улс оронд ямар нөлөө үзүүлж болохыг няхуур тооцож ажиллах ёстой талаар Ерөнхийлөгч Ц. Элбэгдорж хэлсэнтэй бид санал нэг байна. Улс төрийн аливаа буруу ажиллагаа ямар үр дагавар учруулж болохыг бид хөрөнгө оруулалтын талаас, улсын зээлжих зэрэглэлийн талаас болон ард олон түмэнд хэрхэн нөлөөлөх талаас нь сайтар тунгаах хэрэгтэй. Хөрөнгө оруулагчид цаашид ямар алхам хийх талаар шийдвэр гаргахаасаа өмнө улс төрийн нөхцөл цаашид хэрхэхийг ажиглан хүлээж байна.

Дэлхийн зах зээл дээр нөхцөл байдал савлагаатай байгаа хэдий ч Засгийн газраас гаргах АНУ-ын долларын бондын талаар хийж буй сурталчилгаанд хөрөнгө оруулагчид сонирхлоо хандуулж байна. 2012 онд 1,5 тэрбум ам. долларын Чингис бондыг гаргаснаас хойш санал болгож буй Засгийн газрын анхны бонд энэ байх юм. 2018 онд төлж эхлэх ам. долларын зээлийн өртөг одоогийн байдлаар хамгийн доод түвшинд хүрч, жилийн хүү нь 10,2 хувь байна. Бондыг анх гаргаснаас хойш жилийн хүү анх удаа 10 хувиас дээш гараад байгаа нь энэ юм. Хэрэв 500 сая орчим ам. долларын бондыг 10 хувийн хүүтэй гаргавал энэ нь 2012 онтой харьцуулахад 6 хувиар өндөр байх юм. Жилийн хүүгийн нийт зардал 30 сая ам. долларт хүрч улмаар төлбөр төлөх 5 жилийн хугацаанд 150 сая ам. доллар болох юм. Зах зээлийн хямралаас гадна улс төрийн тогтворгүй байдлаас болж дээрх зардлын тал хувь нь буй болжээ гэж тооцвол энэ нь Монгол Улсад илүүдэл 75 сая ам. долларын зардал буй болгох юм. Засгийн газрын зээл санхүүжилт олох өртөг зардал нэмэгдэхээс гадна хувийн хэвшлийнхэнд ч санхүүжилт олох зардал бас нэмэгдэнэ.

Тус улсын мөнгөн тэмдэгт, Засгийн газрын зээлийн өртөг, хүү ийнхүү дарамт, шахалтад байгаа өнөө үед бид Засгийн газрын гаргах гэж буй бондод онцгой анхаарал тавих хэрэгтэй байна. Улс төрөөс болж улсын зээлжих зэрэглэл буурч байх ёсгүй. Бид одоогоор хөрөнгө оруулалт хийх боломжгүй, улс төр, эдийн засгийн хувьд туйлын сул орчинд байгаа гэсэн үнэлэлт аваад байна. УИХ, Засгийн газрын зүгээс хувийн хэвшлийн өсөлт, хөгжлийг дэмжиж, тэднээс тус улсын эдийн засагт хувь нэмрээ оруулахад нь дэмжин ажиллах шаардлагатай байна. Хувийн хэвшлийнхэн Засгийн газраас санхүүжилт, тэтгэмж хүсээгүй харин аж ахуй, эдийн засгийн үйл ажиллагаагаа урьдчилан таамаглаж болохуйц, тогтвортой орчинд явуулахын тулд улс төрийн тогтвортой байдлыг л хүсэж байгаа. Монгол Улсын Засгийн газар, дотоодын банкууд, хувийн хэшлийнхэн болон хөрөнгө оруулагчдын зээл, санхүүжилт олох зардлыг бууруулахын төлөө бид хүч нийлүүлэн хамтран ажиллах шаардлагатай байна.

МОНГОЛЫН БИЗНЕСИЙН ЗӨВЛӨЛ

BUSINESS COUNCIL OF MONGOLIA STATEMENT IN SUPPORT OF THE GOVERNMENT STABILITY

TO DISTINGUISHED MEMBERS OF THE PARLIAMENT

26 January 2016

On 19 January 2016, 19 members of the Parliament called for the Prime Minister’s resignation in an official letter submitted to the Speaker of the Parliament. In response to this call, the business community represented by the Business Council of Mongolia (BCM) is making this statement in support of the stability of the Government.

First of all we regret that the call for Prime Minister’s resignation was based on reasons related to the signing of the Oyu Tolgoi Underground Mine Development and Financing Plan. OT’s investment agreement has been made as a result of negotiations continued over a decade. Now we need to implement it in order to enable Mongolia attracting much needed foreign investment and high paid jobs. It is in everyone’s interest for the economy to recover.

The business community firmly stands in support of the current Government and Prime Minister for the continuation of existing policies and decisions. On behalf of the private sector and investors, both local and foreign, we strongly emphasize the need for sound and rationale government policies to keep businesses going forward, to restart investors coming into Mongolia and to speed up the country’s development. We urge the Parliament members to maintain political stability and to avoid further deterioration of the financial and economic situation especially during this time of slowdown. The political environment’s volatility is already high given the upcoming election.

We support statements made by President Ts. Elbegdorj that the government should work with stability and clear continuity and carefully consider how political actions affect the whole country. We urge Parliament members to consider the cost of any political action that will damage the investor’s confidence and sovereign credit ratings. All investors are observing the political landscape to decide their next steps. Wrong decisions or political battles can have severe costs affecting existing and upcoming investment flows.

Although global markets are turbulent, there is investors’ interest in the current roadshow to market U.S. dollar notes to be issued by the Government. This would be Mongolia’s first such offering since 2012, when the sovereign issued its USD1.5 billion Chinggis Bonds. The dollar debt due in 2018 is now priced at record lows with a current yield at 10.2%. This is the first time yields have exceeded 10% since the notes were issued. If bonds approximating USD500 million could be placed at about 10%, that would represent a rate approximating 6% higher than in 2012. The annual interest cost would increase USD30 million a year and by a total of USD150 million over the 5-year maturity. If one-half of the additional cost is attributed to government political instability, separately from market turmoil, that represents an additional cost to Mongolia of USD75 million. In addition, political instability will result not only in higher cost for borrowing by the Government but equally by private businesses too.

We need to focus on Government’s sovereign debt issue as the country’s currency and sovereign debt prices and yields remain under downside pressures. Politics should not be a reason to down-grade the state sovereign credit rating. We stand in non-investment grade with a label of “extremely weak” political and economic profile.

The Parliament and the Government should be facilitating private sector growth and its initiatives and investments to contribute to the economy. The private sector is not asking for Government financial support, it is asking for political stability so that economic and business activities continue in a predictable and stable environment. We should be united to take measures to reduce the cost of borrowings for the Mongolian Government, domestic banks, private sector and investors to enable the country’s development.

BUSINESS COUNCIL OF MONGOLIA

Бизнес эрхлэгчид улс төрийн тогтвортой байдлыг эрхэмлэж уриалга гаргаж байна