УИХ-ын гишүүн, Барилга хот байгуулалтын сайд З.Баянсэлэнгээс цөөн асуултад хариулт авав. Тэрээр намын журмын нөхрийнхөө талаар ингэж ярилаа.

-Та Г.Шийлэгдамбын бичсэн гэх ил захидлын талаар юу хэлэх вэ?

-Тодорхой хугацаанд Г.Шийлэгдамбатай хамтран ажиллаж байгаагийн хувьд түүний бичсэн гэх ил захидлаас түүнийг олж харахгүй байна. Учир нь түүний үг яриа, санаа бодол, байр суурийг агуулаагүй гэдэг нь мэдэгдэж байсан.

-Тэгвэл хэн бичсэн юм бол?

-Манай Г.Шийлэгдамба тийм араншинтай хүн биш. Дарамт шахалтад орсон байхыг үгүйсгэхгүй. Ийм зүйл ярих хүн биш гэж би түүнд маш итгэж байгаа. Тэр захидлыг гараар бичсэн ч гэлээ тэр дотроос Г.Шийлэгдамбын мөн чанар харагдахгүй, үнэртэхгүй байна. Айлган сүрдүүлэг дунд ч бичигдсэн байж мэдэх юм. Бид хоёр хүнд хэцүү цаг үед намдаа ажиллаж байсан, тэр миний найз, түүнд би одоо ч  гэсэн итгэж байгаа учраас захидлын талаар хардалт төрж байгаа юм. Ганцхан би ч биш бид, бидний ард байгаа олон мянган гишүүд, дэмжигчид маань итгэж байгаа.