Финланд улсад 11 дэх улс төрийн намаа бүртгэв. Энэ бол Финландын Үндэсний Вискиний Нам (“Kansallinen Viskipuolue”) юм.

Тус намынхан өөрийн цахим хуудсан дээр хүнд суртлын эсрэг, төрийн хэтэрхий хатуу, хараа хяналтыг алга болгохын төлөө ажиллах тухайгаа бичжээ. Намын дарга Юхани Кяхяря “Финландын томоохон улс төрийн хүчнүүд ойлголцохоо байснаар улс орны ирээдүйн төлөө ажиллах чадахаа больсон учир бид Вискиний нам байгууллаа” гэж хэлжээ.

Ойрын ирээдүйд нам нэрээ сольж согтууруулах ундаатай холбоотой асуудлаас гадна олон зүйлд санаа тавих аж.   

Вискиний нам дараагийн орон нутгийн сонгуульд оролцохоо мэдэгджээ. Одоогоор тохирох нэр дэвшигчдээ хайж байгаа бөгөөд 5000 дэмжигчийн гарын үсэг цуглуулж чадсан байна.

Финландад 1932 онд архины эсрэг хуурай хуулийг цуцалсан ч тус улсад өнөөдөр ч гэсэн согтууруулах ундааны борлуулалт, хэрэглээнд маш хатуу хяналт тавьдаг. 

Вискиний намынхан