Баянхонгорчууд төрийн өндөрлөгүүдэд мэдэгдэл хүргүүллээ
Баянхонгор
2016.03.23

Баянхонгорчууд төрийн өндөрлөгүүдэд мэдэгдэл хүргүүллээ

Сүүлийн үед УИХ-ын гишүүн Х.Баттулгын эргэн тойрон дахь хүмүүсийг баривчлан саатуулж, төмөр зам, Сайншанд цогцолбор зэрэг асуудлыг хөндөж эхэлсэн нь олны анхаарлыг татаад байгаа билээ.

Тэгвэл Баянхонгор аймгийн сонгогчид нь гишүүнээ хамгаалахаар, төрийн гурван өндөрлөгт мэдэгдэл хүргүүлжээ. Тэд “Баянхонгор аймгаас гурван удаа сонгогдсон УИХ-ын гишүүн, МоАХ-ны дарга Х.Баттулгыг улс төрийн зорилгоор элдэв хэрэгт хамаатуулж нэр хүндэд нь халдаж байгааг эсэргүүцэж байна.

Үндэсний үзэлтэй цөөн хэдэн хүмүүсээ нухчин дарах оролдлого гаргаж байгаа эдгээр үйлдлүүдийг нэн даруй зогсоож, цаашид анхаарч ажиллах талаар төрийн гурван өндөрлөгт мэдэгдэл хүргүүллээ. Хэсэг бүлэг хүмүүс, бүлэглэлийн эрх ашгаас Монгол үндэстний эрх ашиг ямагт нэгдүгээрт байх ёстой” хэмээсэн юм.