“Амжилт” нэвтрүүлгийн энэ удаагийн дугаарт “Рояаль” акедемийн захирал Н.Учрал оролцлоо.

Английн үндэсний их сургуулийн дипломын боловсролыг Монголдоо эзэмших боломжтой болсон . Энэ талаар тодруулахгүй юу?

Английн үндэсний их сургууль Монголын сургуультай хамтран ажилласнаар Англид очилгүй, Монголд дипломыг олгож буй анхны тохиолдол юм. Үүгээр дамжуулан олон залуучууд Английн сургуулийг эх орондоо төгсөж, дэлхийн зах зээлд өрсөлдөх боломж нээгдсэн. Сингапур, Тайвань, Малайз, Хонгконг зэрэг орнуудад л ийм боломж байдаг.

Дэлхийн боловсролыг Монголдоо эзэмшүүлэх юмсан гэсэн энэ том мөрөөдлийг хэзээнээс тээх болов?

Оюутан байх үеэс л ийм хүсэл мөрөөдөлтэй байсан. Гадаадад сурч байхдаа эх орондоо суралцаад Английн дипломыг хүртэж буй оюутнуудыг хараад цагаан атаархал төрдөг байлаа. Тухайн үеэс хэзээ нэгэн цагт Рояаль акедеми гэдэг сургуулийг байгуулна гэж бодож байсан.

Тухайн үед Монголын нөхцөл байдал ямар байсан бэ?

Боловсролын тогтолцоо нь Монголоос өөр учраас манай улстай дүйцэхэд бэрхшээлтэй байсан. Мөн Монголд олон улсын багш нарыг урьж авчирна гэдэг хэцүү байдаг. Мастераас дээд зэрэгтэй, мэргэжлийн англи хэлтэй, салбараараа мэргэшсэн хүнийг ажилд авна гэдэг хамгийн хэцүү. Гэхдээ өнөөдөр тэдгээр бэрхшээл, хүндрэлүүд харьцангуй бага болсон.

Бид оюутнуудад боломжийг нь нээж өгөх сургуулийг байгуулсан. Ер нь хүн заавал хийх болно гэсэн итгэл үнэмшилтэй байвал хүрэх газраа хүрдэг. Тиймээс би хийж болох зүйлээ боддог, бодиттойгоор мөрөөдөж, зорьдог. Ингэж чадсан цагт өөрийн хүрэх ёстой газраа очдог.

Үргэлжлэлийг бичлэгээс үзнэ үү

Хүн хийнэ гэсэн итгэл үнэмшилтэй байвал хүрэх газраа заавал хүрдэг