2016.04.05

Шийдвэр гаргахад эмэгтэйчүүд олноороо оролцсоноор авлигын хэрэг буурна

Сонгууль болоход хоёр сарын хугацаа л үлдэж буй энэ үед 21 аймаг, 330 сум, есөн дүүрэг, Нийслэлийн иргэдийн төлөөлөгч, иргэний нийгмийн байгууллага, ОУ-ын байгууллагын 600 гаруй эмэгтэйчүүд нам харгалзахгүй нэгдэн улс төрийн  шийдвэр гаргах түвшинд эмэгтэйчүүдийн оролцооны талаар чууллаа.

УИХ-ын гишүүн Л.Эрдэнэчимэг “Сум, аймаг, УИХ-д  нэр дэвшихэд бидэнд ямар бэрхшээл байгаа вэ гэдгийг хамтдаа ярилцаж байна.”

УИХ-ын гишүүн М.Батчимэг “Засаглал гэдэг сайн хуультай , эмх цэгцтэй засаглалын тогтолцоотой, хийж буй ажил зохион байгуулалттай байхыг хэлдэг. Тиймээс үүнд эмэгтэйчүүд олноороо оролцсоноор цаашид эрүүл мэнд, боловсрол, мөн  иргэдийг бухимдуулж буй олон асуудлууд шийдэгдэх боломжтой гэж харж байна.

НИТХ-ын төлөөлөгч Б.Саранчимэг  “Дэлхийн банкнаас шийдвэр гаргах түвшинд эмэгтэйчүүд илүү оролцсоноор ямар үр дүнтэй талаар судалгаа гаргасан байдаг. Судалгааны дүнгээр хээл хахууль, авилгалын хэрэг багасч, нийгмийн асуудлууд шийдэгдэж, олон талын эерэг үзүүлэлттэй болно гэж гарсан”.