Даваадорж.Г 2016.04.28 | Сайт: Vip76.mn

Монголчуудын ачаар Буриадын худалдааны салбар эрс өсөв

Монголчуудын ачаар Буриадын худалдааны салбар эрс өсөв

Монгол, Оросын хооронд сарын хугацаанд визгүй болсны ачаар Оросын Буриад улсын худалдааны салбар 2015 онд эрс өссөн тухай Буриадын Эдийн засгийн яам мэдээлжээ. Өнгөрсөн жил Буриадын худалдааны эргэлт 122 тэрбум рубльд хүрсэн нь 2014 оныхоос даруй 20,5 тэрбумаар өссөн үзүүлэлт юм. 2015 оны эцсийн байдлаар Оросыг зорьсон Монголын иргэдийн тоо 300 мянга  болж өмнөх оноос 2,5 дахин өсчээ.

Монгол жуулчдын тоо өссөн нь эдийн Оросын эдийн засаг хүнд байгаа нөхцөлд Буриадын худалдааны салбарынханд бизнесээ тэлэх боломжийг олгожээ. Үүний ачаар Буриад улс бараа эргэлтийн хэмжээгээр Сибирийн холбооны тойрогтоо нэгдүгээр байр эзэлжээ. Харин хөрш зэргэлдээ Эрхүү муж, Байгалийн хязгаарт худалдааны эргэлт тус тус 90 гаруй хувиар буурчээ.

... Түүнээс гадна монгол худалдан авагчдын ачаар Буриадын бөөний болон жижиглэнгийн худалдааны салбарт ажиллагчдын тоо 20 хувиар өсчээ ....

Саяхан Монголын Засгийн газраас импортын 100 нэр төрлийн бүтээгдэхүүний гаалийн татварыг нэмэх шийдвэр гаргасан нь Буриадын худалдааны салбарынханд таагүй мэдээ болов. Учир нь Оросоос багагүй хэмжээгээр импортолдог барилгын материал, сүү, сүүн бүтээгдэхүүн, төмс, улаан лооль, өргөст хэмх, амьтны гаралтай түүхий эд зэрэг бүтээгдэхүүн уг 100 бүтээгдэхүүний жагсаалтад орсон байна.