Нийслэлийн Жижиг Дунд Үйлдвэрийг дэмжих төвөөс санаачлан гурав дахь жилдээ уламжлал болгон зохион байгуулсан “Нийслэл ЖДҮ 2016" жижиг дунд үйлдвэрлэл эрхлэгчдийн III зөвлөгөөн 2016 оны 04 дүгээр сарын 29-ны өдөр Нийслэлийн иргэний танхимд Нийслэлээс жижиг дунд үйлдвэрлэлийг хөгжүүлэх чиглэлээр баримталж буй бодлого, Нийслэлийн Жижиг Дунд Үйлдвэрийг Дэмжих Төвөөс хэрэгжүүлж буй арга хэмжээ цаашдын зорилт үйл ажиллагааны талаар хэлэлцэн амжилттай болж өндөрлөлөө.

Зөвлөгөөнийг Нийслэлийн Жижиг дунд үйлдвэрийг дэмжих төвийн дарга Б.Одгэрэл нээж үг хэлж “Нийслэлээс жижиг дунд үйлдвэрлэлийг хөгжүүлэх чиглэлээр баримталж буй бодлого" сэдвээр Нийслэлийн засаг даргын экологи ногоон хөгжлийн асуудал хариуцсан орлогч дарга Т.Бат-Эрдэнэ баяр хүргэн мэндчилгээ дэвшүүллээ.

Зөвпөгөөн дээр “Нийслэлийн Жижиг Дунд Үйлдвэрийг Дэмжих Төвөөс хэрэгжүүлж буй арга хэмжээ" сэдвээр Нийслэлийн Жижиг дунд үйлдвэрийг дэмжих төвийн ерөнхий менежер С.Энхцэцэг, “Дүүргүүдийн Жижиг Дунд Үйлдвэрийг Дэмжих Төвүүдээс хэрэгжүүлж буй арга хэмжээ" сэдвээр Хан уул дүүргийн Жижиг дунд үйлдвэрийг дэмжих төвийн дарга Г.Нагарагчаа, Нэг цэгийн үйлчилгээ, клубын системийн талаар Технож Бизнес инкубатор төвийн захирал Г.Галаарийдий нар илтгэл тавьж. сэдвийн дагуух гол мэдээллийг зөвлөгөөний оролцогчдод хүргэлээ.

Зөвпөгөөний үеэр Жижиг дунд үйлдвэрлэлээ амжилттай эрхлэж буй жижиг дунд үйлдвэрлэл эрхлэгчдийн төлөөлөл болох Сүхбаатар дүүргийн жижиг дунд үйлдвэрийг дэмжих төвийн бойжигч / Монгол Соёл бренд бүлэг /- ийн үйлдвэрлэл эрхлэгч Бадрууш, ХЕРО КИНГ ХХК захирал Отгонцэцэг нар үг хэллээ.

Түүнчлэн байгуулсан “Нийслэл ЖДҮ 2016" жижиг дунд үйлдвэрлэл эрхлэгчдийн III зөвлөгөөний үеэр Сүхбаатар дүүргийн жижиг дунд үйлдвэрийг дэмжих төвийн 14 жижиг дунд үйлдвэрлэл эрхлэгчдийн үзэсгэлэн худалдаа зохион байгуулагдлаа.

Нийслэлийн жижиг дунд үйлдвэр эрхлэгчдийн ГУРАВДУГААР зөвпөгөөнд нийт 410 жижиг дунд үйлдвэрлэл эрхлэгч иргэн ААН хамрагдаж, 21 жижиг дунд үйлдвэрлэл эрхлэгч үйлдвэр эрхлэгчид шууд саналаа хэлж, 206 үйлдвэр эрхлэгч бичгээр санал ирүүлж. нийт 227 үйлдвэрлэл эрхлэгчид өөрсдийн саналыг тусгасан бөгөөд оролцогчдын санал, хүсэлт, протоколыг үндэслэн тус зөвпөгөөний зөвпөмжийг гаргалаа.

ЖДҮ эрхлэгчдийн гуравдугаар зөвлөгөөн боллоо