Батцэрэг.Н 2016.05.25 | Телевиз: МҮОНТВ

Ногоон хөгжил гэдгийн ард хэмнэлттэй байх тухай асуудал яригдана

“Цаг үе үзэл бодол” нэвтрүүлгийн энэ удаагийн дугаарт БОНХАЖ-ын сайд Н.Батцэрэг оролцлоо.

Ногоон хөгжил гэдгийг хэрхэн ойлгож байна вэ?

Товчоор хэлбэл өнгөрсөн оны 9 сард НҮБ-ын 70 дугаар Ассемблейн хуралдаанаас хүн төрөлхтний ойрын 15 жилийн алсын харааг батлан гаргасан. Бид байгалийн нөөцөө дайчлах замаар олон жил хөгжиж ирсэн. Харин одоо хэмнэлтийн бодлого явуулахгүйгээр хэрхэн хөгжих вэ гэдэг нь маш том асуудал болон урган гарч байна. Тиймээс ногоон хөгжил гэдгийн ард хэмнэлттэй байх тухай асуудлыг л ойлгож болно.

Энэ асуудал жижиг зүйлээс эхлэж байгаа боловч анхаарал төвлөрөхгүй байдаг. Үүнтэй та санал нийлж байна уу?

Тийм. Хамгийн түрүүнд тархиндаа өөрчлөлт хийх хэрэгтэй. Хүмүүсийн амьдралын дадал, зуршилд өөрчлөлт хийх ёстой. Саяхан ногоон хөгжлийн төлөвлөгөөг баталсан. Үүгээр олон үүргүүдийг нарийн зааж өгсөн. Харин үүнийг хийхийн тулд иргэд болоод шийдвэр гаргах түвшний хүмүүсийн сэтгэлгээнд олон өөрчлөлтийг хийх хэрэгтэй.

       Үргэлжлэлийг бичлэгээс үзнэ үү