Жил бүрийн тавдугаар сарын 31-нийг Дэлхийн Эрүүл Мэндийн Байгууллага (ДЭМБ) “тамхигүй өдөр” хэмээн тэмдэглэж, дэлхийн зургаан бүс нутгийн тамхитай тэмцсэн байгууллага, хувь хүмүүсийн гаргасан амжилтыг шагнаж урамшуулдаг ажээ.

Тэгвэл энэ жилийн Номхон Далайн Баруун бүсийн шагналыг Монгол улсаас УИХ-ын гишүүн Л.Эрдэнэчимэг хүртсэнийг тус байгууллагын вэб хуудсанд зарласан байна.

Номхон Далайн Баруун бүсээс нийт дөрвөн байгууллага, хувь хүн шагнуулсны дотор Өмнөд Солонгосын Эрүүл мэнд, Нийгмийн халамжийн Яам, Филиппиний Эрүүл мэндийн Даатгалын Корпорацийн ерөнхийлөгч Алекандр де ла Алас Падилла, Соломоны арлуудын Эрүүл мэнд, Эмнэлгийн үйлчилгээний Яам хүртжээ.