“Энэ өдрийн зочны ярилцлага” нэвтрүүлэгт  УИХ-ын гишүүн О.Баасанхүү оролцлоо.

МАХН өлсгөлөн зарласан талаар мэдээлэл өгнө үү?

Сонгууль гэдгийг эрх, эрх чөлөөгөө эдлэх гэж ойлгох хэрэгтэй. Сонгох, сонгогдох тухай асуудал. 2012 онд сонгох эрхийг зөрчсөн. Харин 2016 онд сонгогдох эрхийг зөрчиж байна гэж үзэж байна. 2012 онд шүүхээр ял аваагүй МАХН-ын дарга Н.Энхбаярыг сонгуульд оролцуулаагүй. 2016 онд бүх хууль тогтоомж, хүний эрхийн комиссын шийдвэр гарчихаад байхад Цагдаагийн байгууллага сонгуульд оролцох эрхийг нь хааж байна. Энэ асуудал нэг хүний тухай асуудал биш. МАХН хүч тэнцвэргүй тулаанд орох гэж байна. Яагаад гэвэл МАН, АН-ын нэр дэвшигчдийг хэвлэлээр дээр үеийн албан тушаалтай нь мэдээллэж байна. Харин МАХН-ын нэр дэвшигчдийг огт зарлахгүй байсан. Хүчтэй нь хүчгүйгээ барьж идэх гэсэн дайн болж байгаа учраас ард түмэнд сигнал өгье гэж бодсон.

Өлсгөлөн зарласан хүмүүсийн биеийн байдал ямар байна вэ?

Биеийн байдлыг мэдэхийн тулд заавал эмнэлгийн дүгнэлт байх ёстой. ОУ-ын конвенцийн дагуу хэн нэгэн өлсгөлөн зарлаж байгаа гэж мэдэгдсэн тохиолдолд эхлээд биеийг нь бэлдэх ёстой байдаг. Мөн биеийг нь цаг тутам үзэж шалгах ёстой. Хөндлөнгөөс харахад тамирдсан, ядарсан байдалтай байна.

  Үргэлжлэлийг бичлэгээс үзнэ үү