УИХ-ын чуулганы нэгдсэн хуралдаанаар Ерөнхий сайдад нэр дэвшигчийг томилох тухай асуудлыг хэлэлцлээ. Энэ үеэр УИХ-ын гишүүд байр сууриа илэрхийлсэн юм.

УИХ-ын гишүүн Г.Занданшатар “ Аймаг удирдаж, ард олны аж амьдралыг сайн мэдэх, Сангийн сайдаар ажиллаж байсан залуу хүнийг нэр дэвшүүлж буйд ард иргэд талархалтай байна.

Улсын эдийн засгийн байдал санаснаас илүү хүнд байгаа. Бизнесийн зөвлөлийн төлөөллүүд ард түмнийг сонсохоос ажлаа эхэлвэл эдийн засгийн оношилгоо зөв болно гэдгийг уламжилсан” гэлээ.