Нийслэлийн төрийн албан хаагчдыг 20-30 хувиар цомхтгоно

НИТХ-ын дарга Ц.Сандуйтай уулзан, нийслэлийн төсвийн талаар тодрууллаа. Эдийн засгийн нөхцөл байдалтай холбогдуулан нийслэлийн хэмжээнд хэмнэлтийн горимд шилжинэ гэдгийг тэрбээр тодотгож байв.

-Орон нутгийн удирдлагууд Засгийн газартай хамтран ажиллах гэрээ байгуулж, хийх ажлынхаа төлөвлөгөөг гаргаж байна. Нийслэлийн хувьдэнэ тал дээр ямар төлөвлөгөөтэй байна вэ?

-Аймаг, нийслэлийн ИТХ-ын дарга, Засаг дарга нар ирэх дөрвөн жил хийх ажил, хэрэгжүүлэх хууль тогтоомжийн талаар сургалт авлаа гэж ойлгож болно. Мөн орон нутгийн удирдлагуудаас Засгийн газрын мөрийн хөтөлбөрт санал авсан.

Манай намын сонгуульд дэвшүүлсэн мөрийн хөтөлбөр ирэх дөрвөн жилд Засгийн газрын хийх ажил болж байна гэсэн үг. Удахгүй үүнийг УИХ хэлэлцэнэ.

Түүнээс гадна төсвийн тодотголыг ярина. Эдийн засгийн нөхцөл байдал хүнд байгаа үед нийслэл хэмнэлтийн горимоор ажиллана. Тиймээс хийх ажлын эрэмбийг тогтоох шаардлагатай.

-Нийслэлийн хувьд төсвийн гүйцэтгэл ямар байгаа вэ?

-Долоо хоногийн өмнө авсан мэдээллээр нийслэлд төсвийн гүйцэтгэл 72 тэрбум төгрөгөөр тасарч яваа. Үүнд аж ахуйн нэгжийн орлогын албан татвар, өмч хувьчлалаас орж ирэх орлого 

тасарсан. Тиймээс нийслэлийн өмнөх удирдлагуудын хийж байсан зарим ажил тасалдах шинжтэй байгаа тул төсвийн тодотголыг хийнэ. Тэрчлэн нийслэлийн төсвийг нөхөх өөр эх үүсвэр судалж байна.

-Нийслэл хэмнэлтийн горимоор ажиллана гэж та мэдэгдсэн. Яг ямар зардлуудаа танахаар төлөвлөж байна вэ?

-Үргүй зардлуудыг танана. Мөн орон тооны цомхтголыг нэлээд хийнэ. Төрийн байгууллагууд машин техник, тоног төхөөрөмж, тавилга гэх мэт хөрөнгө худалдаж авах зардлыг бас бууруулна.

-Орон тооны цомхтголоор нийслэл хэчнээн төгрөг хэмнэнэ гэж үзэж байна вэ?

-Төсвийн тодотголын төслийг боловсруулж байгаа тул энэ талаар яг нарийн тоо хэлэхэд эрт байна.

-Одоогийн байдлаар нийслэлийн харьяа төрийн албан хаагчдын тоо хэд байгаа вэ. Үүнийг хэдээр бууруулах тооцоо хийсэн бол?

-Нийслэл 32 мянга гаруй төрийн албан хаагчтай. Үүнээс 20-30 хувь бууруулах төлөв лөгөөтэй байна.