37
2016.09.07

О.Баасанхүү: "Мэргэжлийн" гэдэг үгийг мэргэшлийн гэж солилоо гээд найруулгын алдаа засагдахгүй байна

Монгол Улсын Засгийн газрын 2016-2020 оны үйл ажиллагааны хөтөлбөрийг өнөөдөр чуулганы нэгдсэн хуралдаанаар үргэлжлүүлэн хэлэлцэж байна. Хэлэлцэж буй асуудлаар гишүүд үг хэлж, байр сууриа илэрхийлэн, тодруулах асуултуудаа асууж байлаа. 

УИХ-ын гишүүн О.Баасанхүү Засгийн газрын ирэх 4 жилд баримтлах бодлогын баримт бичигт "Мэргэжлийн эмнэлэг" гэж байсныг мэргэшсэн, мэргэшлийн эмнэлэг гэсэн үгээр сольсныг шүүмжиллээ.

Тэрээр эмнэлэг гэдэг мэргэжлийн, мэргэшсэн эмч, эрүүл мэндийн ажилтнууд ажилладаг байгууллага. Гэтэл "Мэргэжлийн" гэдэг улс төрийн нэр томъёогоо гол болгож, заавал ийм хэллэг оруулж ирэхээр зүтгэж байна гэж байлаа. Харин энэ үгээ мэргэшсэн гэдэг үгээр солилоо гээд найруулгын алдаа засагдахгүй гэж өөрийн байр сууриа илэрхийллээ.