Баасан.Г 2016.09.12 | Телевиз: TV9

Хамтын тэтгэврийн тухай хуулийг хэрэгжүүлэхийг шаардаж байна

Ахмадууд

Хамтын тэтгэврийн тухай хуулийг хүчингүй болгосон билээ.  Хүчингүй болгосон шалтгааныг Ерөнхий сайд  Ж.Эрдэнэбат “Урт наслах тусам надад тэтгэвэр олгоно шүү гэдэг бодолтой амьдраасай л гэж хүссэн юм.

Түүнээс биш хар буруу санах ч юм уу, өмнөх Засгийн газрын бодлогыг үгүйсгээгүй. Тиймээс тэтгэврийг “Насны хишиг” гэдэг нэрээр үргэлжлүүлнэ” хэмээн мэдэгдсэн. 

Харин үүнд Монголын ахмадын чөлөөт холбоо эсрэг байр суурьтай байгаагаа илэрхийлж мэдээлэл хийсэн юм. Тус холбооны тэргүүн Г.Баасан “Хишиг, тэтгэвэр гэдэг бол тэс өөр зүйл.Хишиг бол өгсөн ч болно, өгөөгүй ч болно. Өгөхгүй байлаа гээд нэхдэггүй, өглөө гээд гомдох юм байхгүй зүйлийг хишиг гэдэг. Тэр бол төрийн хайр хишиг. 

Харин тэтгэвэр бол тэтгэврийн шимтгэл төлөөд түүнээсээ авч байгаа юм. Битгийн андуур” гэсэн юм. Мөн тэрээр УИХ-аар баталсан хуулийг Засгийн газрын тогтоолоор хүчингүй болгосон нь эрх зүйт төрийг үгүйсгэж буй үйлдэл гэдгийг онцлоод Хамтын тэтгэврийн тухай хуулийг хэрэгжүүлэхийг шаардаж байгаагаа илэрхийллээ.