УИХ-ын өнгөрөгч Баасан гарагт /2016.10.21/ чуулганы хуралдаанаар Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төслийг хэлэлцсэн. Энэ үеэр УИХ-ын гишүүн Л.Болд байр сууриа илэрхийллээ.

УИХ-ын гишүүн Л.Болд:

"Эрдэнэт төдийгүй төрийн өмчийн том компаниуд, бондын эргэн төлөлт, Үнэ тогтворжуулах хөтөлбөр гэсэн чухал асуудлуудаа тодорхой болгох хэрэгтэй. Ард түмэнд өнөөгийн нөхцөл байдал маш ойлгомжгүй байна. Эрдэнэтийн асуудлыг 6 сар ярьж, хоёр сонгууль дамнан ялалтын визээ авч байна. Өөрөөр хэлбэл, Эрдэнэт бол та бүхний дотоод асуудал болчихоод байна. АН эрх бариагүй. МАН эрх барьж буй энэ цаг мөчид Эрдэнэтийн асуудлыг тодорхой болгох ёстой. Бондыг та нар авсан юм байна. Эрдэнэтийг та нар авсан юм байна. Эрдэнэтийн асуудлыг нуун дарагдуулаад байна.

Олон улсын валютын сангаас зээл авах гээд байгаа юм уу? Аль нэг улсаас зээл авах гээд байгаа юм уу гэдэг чинь ойлгомжгүй байна. Энэ бүхнийг ойлгомжтой болгохгүй бол төсөв, мөнгөний бодлогыг энэ чигээр нь хэлэлцээд батлахаар ямар ч үр дүнгүй болох гээд байна.

МАН үнэмлэхүй олонхи болсныхоо дараа маш том том мэдэгдлүүд хийсэн. Монголын төрийн бүх асуудлыг гартаа атгачихсан дотроо учраа олохгүй байгаа юм шиг. Гадаад бодлого ч их ойлгомжгүй болсон. ОУБ-уудтай харилцаа холбоо тасарсан. Дэлхийн парламентын уулзалтад Тамгын газраас хүн явах гэж байна. Гэтэл Ерөнхий сайдыг дагалдаад 9 гишүүн явж байх жишээтэй. УИХ-ын дарга Хятадад айлчиллаа. Хичнээн сайд, гишүүн дагалдаж байна?"

УИХ-ын дарга М.Энхболд:

"10 дугаар сарын 22-29-нд Женевт болох парламентын холбооны 135 дугаар Ассамблейн Ерөнхий нарийн бичгийн дарга нарын нийгэмлэгийн хурал учраас Тамгын газраас хүн явуулахаар болсон."

Л.Болд: Хэд хэдэн асуудлыг тодорхой болгосны дараа төсөв, мөнгөний бодлогоо хэлэлцэх хэрэгтэй