Дүүргийн Иргэдийн Төлөөлөгчдийн Хурлын 2016 оны ээлжит сонгуулийн үр дүнд байгуулагдсан Чингэлтэй дүүргийн Иргэдийн Төлөөлөгчдийн Хурлын Тэргүүлэгчдийн анхдугаар хуралдаан өнөөдөр дүүргийн Иргэдийн Төлөөлөгчдийн Хурлын даргын өрөөнд болов. 

Хуралдаанд дүүргийн Иргэдийн Төлөөлөгчдийн Хурлын дарга Тэргүүлэгч Д.Бат-Эрдэнэ, Тэргүүлэгч С.Амарбаясгалан, Б.Батхуяг, Н.Сайнболд, Ц.Дуламжав, Л.Баярсайхан, Х.Алтаншагай нар хүрэлцэн ирж 100 хувийн ирцтэйгээр хуралдаж дараах 5 асуудлыг хэлэлцэж шийдвэрлэлээ. 

Үүнд Тэргүүлэгчдийн ажиллах журам батлах тухай, Хурлын Хороодын ажиллах журам батлах тухай, Хуралдааны тов зарлах тухай, Шагналд уламжлах тухай, Шагнах тухай тус тус Тэргүүлэгчдийн нарийн бичгийн дарга Ц.Алтанцацрал танилцуулж дэмжигдсэн юм.