Чингэлтэй дүүргийн Иргэдийн Төлөөлөгчдийн Хурал, Монголын нутгийн удирдлагын холбоотой хамтран “Хурал ба Төлөөлөгчдийн манлайлал, ур чадвар” сэдэвт сургалтыг өнөөдөр зохион байгууллаа.

Дүүргийн Иргэдийн Төлөөлөгчдийн Хурлын дарга Д.Бат-Эрдэнэ сургалтыг нээж хэлсэн үгэндээ, шинээр сонгогдсон Төлөөлөгчдийн манлайлал, ур чадварыг дээшлүүлэх чиглэлээр эрх зүйн болон танин мэдэхүйн мэдээлэл өгч, арга зүйн зөвлөмж өгөх зорилгоор сургалтыг зохион байгуулж байгааг онцлон дурдсан юм.

“Иргэдийн Төлөөлөгчдийн Хурлын Төлөөлөгчийн манлайлал, бүрэн эрхээ чадварлагаар хэрэгжүүлэхэд анхаарах зарим асуудал” сэдвээр МНУХ-ны дэд тэргүүн, боловсролын болон удирдлагын ухааны магистр Г.Маналжав, “Төлөөлөгч гэж хэн бэ” сэдвээр дүүргийн ИТХ-ын Тэргүүлэгчдийн нарийн бичгийн дарга Ц.Алтанцацрал, МНУХ-ны ажлын албаны дарга Н.Янжинлхам, “Төсөв, санхүүгийн удирдлага-Төлөөлөгчийн оролцоо” сэдвээр Сангийн яамны зөвлөх Ц.Долоонжин нар сургалт явууллаа.

Сургалтыг бүлгийн ажлын хэлбэрээр зохион байгуулсан бөгөөд дүүргийн ИТХ-ын төлөөлөгчид идэвхтэй оролцсон юм.

Хурал ба төлөөлөгчдийн манлайлал, ур чадвар сургалт болов