Амгаланбаатар.Х 2017.01.27 | Сайт: МҮЭХ-ны албан ёсны сайт

ҮЭ-ийн идэвхтэн, сонгуультан, гишүүдийн анхааралд!

ҮЭ-ийн идэвхтэн, сонгуультан, гишүүдийн анхааралд!

Монгол Улсад ҮЭ-ийн хөдөлгөөн үүсч, хөгжсөний 100 жил, Үндэсний төв байгуулагдсаны 90 жилийн ойг угтаж Ажилтны урлагийн V их наадам болон спортын наадмыг нийт ҮЭ-ийн гишүүн байгууллагуудын дунд 2017 оны 01 дүгээр сарын 15-наас 2017 оны 05 дугаар сарын 31-нийг хүртэл хугацаанд зохион байгуулахаар МҮЭХ-ны Тэргүүлэгчдийн тогтоол гараад байна.

Их ой угтсан урлаг, спортын наадамд гишүүдээ өргөнөөр хамруулж  идэвхтэй оролцуулах зохион байгуулалтын арга хэмжээг авч ажиллахыг аймаг, нийслэл, мэргэжил үйлдвэрлэлийн ҮЭ-ийн холбоодод чиглэл болгожээ.

ҮЭ-ийн гишүүн болон харъяа байгууллагуудын дарга нар удирдамж тус бүрт анхаарал хандуулж, өндөр зохион байгуулалттай оролцохыг Ойн бэлтгэл ажлыг хангах комиссын бүрэлдэхүүн уриалж байна.

Ажилтны урлагийн V их наадам болон спорт наадмын удирдамжийг бүрэн эхээр нь нийтэллээ.

МҮЭ-ийн холбооны Ерөнхий зөвлөлийн тэргүүлэгчдийн 2016 оны 12 дугаар сарын 22-ны өдрийн 28 дугаар тогтоолын нэгдүгээр хавсралт

МҮЭ-ИЙН ГИШҮҮН БАЙГУУЛЛАГА, ГИШҮҮДИЙН ДУНД ЗОХИОН
БАЙГУУЛАХ “АЖИЛТНЫ УРЛАГИЙН  ИХ НААДАМ”-ЫН
УДИРДАМЖ

Зорилго

            Монгол Улсад ҮЭ-ийн хөдөлгөөн үүсч хөгжсөний 100 жил, Үндэсний төв байгуулагдсаны 90 жилийн ойн хүрээнд ҮЭ-үүдийн хамтын ажиллагааг өргөжүүлэх, гишүүдийн соёлын урлагийн эрэлт хэрэгцээг хангах, авъяасыг нь нээн илрүүлж хөгжүүлэх, нийтэд сурталчлахад энэхүү наадмын зорилго оршино.

Хамрах хүрээ

            Аймаг, орон нутгийн болон салбарын ҮЭ-ийн холбоод, ҮЭ-ийн гишүүд оролцоно.

Уралдааны  үе шат

            Ажилтны урлагийн наадмыг дараах 3 үе шаттайгаар зохион байгуулна. Үүнд:

Нэгдүгээр шат: -Салбарын болон аймаг, нийслэлийн ҮЭ-ийн холбоод нь энэхүү удирдамжид заасан урлагийн төрлүүдээр урлагийн наадмаа 2017 оны 03 дугаар сарын 31-ний өдрийн дотор багтаан зохион байгуулан тухайн орон нутгийн театр чуулгуудын мэргэжлийн уран бүтээлчдээр шүүлгэж авъяастнуудаа тодруулна.

Шалгарсан авьяастнуудын бүртгэл мэдүүлгийг 2017 оны 04 дүгээр сарын 10-ны дотор МҮЭ-ийн Соёлын төв ордон /Зохион байгуулах ажлын хэсэгт/-д албан бичгээр ирүүлсэн байна.

Хоёрдугаар шат: -Улаанбаатар хотод МҮЭ-ийн Соёлын төв ордон дээр 2017 оны 04 дүгээр сарын 24-27-ны хооронд тусгай хуваарийн дагуу шалгаруулна.

Гуравдугаар шат: -Хоёрдугаар шатнаас шалгарсан авъяастнуудыг мэргэжлийн баг шүүгчид шүүншилдгүүдийг шалгаруулна. Хоёрдугаар шатнаас шалгарсан шилдэг тэргүүний авъяастнуудын нэгдсэн Гала тоглолтыг найруулан тавьж үзэгчдийн хүртээл болгон олон нийтэд хүргэнэ.

Шалгаруулах төрөл /номинаци/

            1.Хөгжмийн төрөл

                        1.1.Гоцлол хөгжим

                        1.2.Хамтлаг хөгжим

            2.Дууны төрөл

                        2.1.Гоцлол дуу

                        2.2.Хамтлаг

            3.Бүжгийн төрөл

                        3.1.Гоцлол бүжиг

                        3.2.Хамтлаг бүжиг

            4.Язгуур урлаг

            5.Чөлөөт үзүүлбэр  /жүжигчилсэн тоглолт хамаарахгүй/

Хоёр.“Ажилтны урлагийн V их наадам”-д оролцох 

чиглэл, журам

            -Дээрх урлагийн төрөл бүрт нэгээс илүүгүй үзүүлбэрээр  оролцоно. /ҮЭ-ийн холбоо тус бүр нийт 8 хүртэл үзүүлбэртэй байна/

            -Салбарын болон аймаг, нийслэлийн ҮЭ-ийн Холбоод нь “Ажилтны урлагийн V их наадам”-д ҮЭ-ийн гишүүд, урлагийн авъяастнуудынхаа оролцоог бүрэн хангаж оролцуулах ажлыг зохион байгуулах бөгөөд дэлгэрэнгүй тайлан мэдээллийг зохион байгуулах ажлын хэсэгт ирүүлнэ. /Маягтын дагуу мэдээлэл, Фото зураг/

            -Ажилтны урлагийн наадамд оролцогч нь ҮЭ-ийн гишүүн байх бөгөөд нийгмийн даатгал төлдөг, ҮЭ-ийн гишүүний батлахтай байх шаардлагыг хангасан байна.

            -Аймаг орон нутгийн ҮЭ-ийн холбоо урлагийн авъяастнаа шалгаруулж Улаанбаатар хотод ирүүлэх бөгөөд холбогдох зардлыг тухайн аймаг, салбарын ҮЭ-ийн холбоо  бүрэн хариуцан зохион байгуулна.

            -Тухайн салбар болон аймаг орон нутгийн ҮЭ-ийн байгууллага нь наадамд оролцогчдоо дэмжин бэлтгэл сургуулилт хийх боломжоор хангаж санхүүгийн хувьд бүрэн дэмжлэг үзүүлж оролцуулна.

            -“Ажилтны урлагийн V их наадам”-д мэргэжлийн дуучид жүжигчид, уран бүтээлчид оролцохгүй болно.

            -Аймаг болон салбарын ҮЭ-ийн холбоод удирдамжийн дагуу сум, дүүргийн холбоо, анхан шатны хороодын дунд “Ажилтны уралгийн V их наадмын” нэгдүгээр шатыг зохион байгуулж шалгарсан шилдэг номеруудаа хоёрдугаар шатанд оролцуулна.

Гурав.“Ажилтны урлагийн V их наадам”-ыг дүгнэх,

шагнаж урамшуулах

            Удирдамжид заасан урлагийн төрөл бүрээр эхний 1, 2, 3 дугаар байр тус бүр нэгийг шалгаруулан шагнаж урамшуулна. Үүнд:

            -1 дүгээр байрт “Ажилтны урлагийн V их наадам”-ын Алтан медаль, Өргөмжлөл,  дурсгалын зүйл, мөнгөн шагнал

            -2 дугаар байрт “Ажилтны урлагийн V их наадам”-ын Мөнгөн медаль, Өргөмжлөл, дурсгалын зүйл, мөнгөн шагнал

            -3 дугаар байрт “Ажилтны урлагийн V их наадам”-ын Хүрэл медаль, Өргөмжлөл,  дурсгалын зүйл, мөнгөн шагнал

            -Урлагийн наадамд ҮЭ-ийн гишүүдээ амжилттай зохион байгуулан оролцуулсан, хөгжөөн дэмжигч үзэгчдийг олноор хамруулсан шилдэг Салбарын ҮЭ-ийн холбоо болон орон нутгийн ҮЭ-ийн холбоог тус тус шалгаруулан “Ажилтны урлагийн V их наадам”-ын Дурсгалын цом, Өргөмжлөл, Мөнгөн шагнал, МҮЭ-ийн Соёлын төв ордонд урлаг спортын 1 /нэг/ удаагийн арга хэмжээ зохион байгуулах “Эрхийн бичиг”-ээр шагнана.

            -Шалгарсан авъяастнуудыг МҮЭ-ийн холбоо, салбарын ҮЭ-ийн холбооны болон соёл, урлагийн төрийн болон төрийн бус байгууллагын шагналуудад нэр дэвшүүлэн шагнаж урамшуулах ажлыг зохион байгуулна.

 

            Дэлгэрэнгүй мэдээллийг 70119219, 99241433 утсаар лавлана уу.

                      

МҮЭ-ийн холбооны Ерөнхий зөвлөлийн тэргүүлэгчдийн 2016 оны 12 дугаар сарын 22-ны өдрийн 28 дугаар тогтоолын хоёрдугаар хавсралт                                         

“МОНГОЛЫН ҮЙЛДВЭРЧНИЙ ЭВЛЭЛ - 100 ЖИЛ”  СПОРТ НААДАМ

АЙМАГ, НИЙСЛЭЛ, САЛБАРЫН ҮЭ-ИЙН ХОЛБООДЫН ДУНД

ЗОХИОН БАЙГУУЛАХ САГСАН БӨМБӨГИЙН ТЭМЦЭЭНИЙ

УДИРДАМЖ

 

Нэг.Зорилго

МҮЭ-ийн 100 жилийн ойн хүрээнд аймаг, нийслэл, салбарын ҮЭ-ийн холбоод, хороод, ҮЭ-ийн гишүүдийн нөхөрсөг харилцаа, эв нэгдлийг бэхжүүлэх, амралт чөлөөт цагийг зөв боловсон өнгөрүүлэх, тэмцээний хамрагдах цар хүрээ зохион байгуулалтыг сайжруулахад оршино.

 

Хоёр.Хамрах хүрээ, багууд

            2.1.Тэмцээнийг аймаг, нийслэл, салбарын ҮЭ-ийн холбоодын гишүүдийн дунд зохион байгуулна.

            2.2.Сагсан бөмбөгийн эрэгтэй, эмэгтэй баг тус бүр 7 тоглогчтой байна. Гараанд 5 тоглогч гарч тоглоно. Сэлгээний тоглогч 2 тамирчин байна. Нийт багийн бүрэлдэхүүн 14 тамирчинтай байна.

            2.3.МҮЭ-ийн 100 жилийн ойн нэрэмжит Сагсан бөмбөгийн аварга шалгаруулах тэмцээнд аймаг, нийслэл, салбарын ҮЭ-ийн холбоодын дараах багууд оролцоно.Үүнд:

  1. Баруун бүс: /Завхан аймаг Улиастай хотод/
  1. 1.Увс аймгийн ҮЭ-ийн холбоо
  2. 2.Баян-Өлгий аймгийн ҮЭ-ийн холбоо
  3. 3.Говь-Алтай аймгийн ҮЭ-ийн холбоо
  4. 4.Завхан аймгийн ҮЭ-ийн холбоо
  5. 5.Ховд аймгийн ҮЭ-ийн холбоо

 

  1. Төвийн бүс:  /Өвөрхангай аймаг Арвайхээр хотод/
  1. 1.Баянхонгор аймгийн ҮЭ-ийн холбоо
  2. 2.Өвөрхангай аймгийн ҮЭ-ийн холбоо
  3. 3.Архангай аймгийн ҮЭ-ийн холбоо
  4. 4.Дундговь аймгийн ҮЭ-ийн холбоо
  5. 5.Төв аймгийн ҮЭ-ийн холбоо
  6. 6.Өмнөговь аймгийн ҮЭ-ийн холбоо

 

  1. Зүүн бүс: /Хэнтий аймаг Чингис хотод/    
  1. 1.Дорнод аймгийн ҮЭ-ийн холбоо
  2. 2.Сүхбаатар аймгийн ҮЭ-ийн холбоо
  3. 3.Хэнтий аймгийн ҮЭ-ийн холбоо
  4. 4.Говьсүмбэр аймгийн ҮЭ-ийн холбоо
  5. 5.Дорноговь аймгийн ҮЭ-ийн холбоо

 

  1. Хойд бүс: /Орхон аймаг Эрдэнэт хотод/
  1. 1.Дархан уул аймгийн ҮЭ-ийн холбоо
  2. 2.Орхон аймгийн ҮЭ-ийн холбоо
  3. 3.Сэлэнгэ аймгийн ҮЭ-ийн холбоо
  4. 4.Хөвсгөл аймгийн ҮЭ-ийн холбоо
  5. 5.Булган аймгийн ҮЭ-ийн холбоо

 

  1. Салбар /Нийслэл/-ын ҮЭ-ийн холбоод: /Улаанбаатар хотод/
  1. 1.Монголын Ажилтан, албан хаагчдын ҮЭ-ийн холбоо
  2. 2.Монголын Авто замчдын ҮЭ-ийн Холбоо
  3. 3.Монголын Барилгачдын ҮЭ-ийн Холбоо
  4. 4.Монголын Боловсрол, шинжлэх ухааны ҮЭ-ийн холбоо
  5. 5.Жижиг дунд үйлдвэр, худалдаа үйлчилгээ, аялал жуулчлал, албан бус хэвшлийн ажилтны ҮЭ
  6. 6.Монголын “Нэгдмэл” ҮЭ-ийн Холбоо
  7. 7.Монголын “Үйлдвэрлэл” ҮЭ-ийн Холбоо
  8. 8.Монголын Хүнс, хөдөө аж ахуй, байгаль орчны салбарын ҮЭ-ийн холбоо
  9. 9.Монголын Хот байгуулалт, нийтийн аж ахуйн ажилтны ҮЭ-ийн холбоо
  10. 10.Монголын Төмөр замчдын ҮЭ-ийн холбоо
  11. 11.Монголын Тээвэр холбоо, газрын тосны ажилтны ҮЭ-ийн холбоо
  12. 12.Монголын Эрүүл мэндийн ажилтны ҮЭ-ийн холбоо
  13. 13.Монголын Эрчим хүч, геологи, уул уурхайн ҮЭ-ийн холбоо
  14. 14.Монголын Нийслэл  Улаанбаатарг хотын ҮЭ-ийн холбоо
  15. 15.“Эрдэнэт үйлдвэр” ХХК-ийн ҮЭ-ийн холбоо тус бүрээс эрэгтэй эмэгтэй нэг нэг баг оролцоно.

            2.4.Аймаг, нийслэл, салбарын ҮЭ-ийн холбоодууд эхний шатны тэмцээнийг бүсийн хэмжээндээ хариуцан зохион байгуулах бөгөөд гарах зардлыг тухайн бүсийн ҮЭ-ийн холбоод хамтран хариуцна.

 

Гурав.Тэмцээний явагдах хугацаа үе шат

            3.1.Эхний үе шатны тэмцээнийг 2017 оны 04 дүгээр сарын 10-ны дотор багтаан тухайн бүсийн ҮЭ-ийн холбоод хариуцан бүсийнхээ хэмжээнд зохион байгуулна.

            3.2.Аймаг, нийслэл, салбарын ҮЭ-ийн холбоодын дунд зохион байгуулах сагсан бөмбөгийн аварга шалгаруулах шигшээ /финал/ тэмцээн 2017 оны 04 дүгээр сарын 22, 23-ны өдрүүдэд Улаанбаатар хотод МҮЭ-ийн Соёлын төв ордны Спорт зааланд болно.

Дөрөв.Тэмцээний журам, техникийн зөвлөгөөн

            4.1.Сагсан бөмбөгийн аварга шалгаруулах тэмцээний эхний тоглолтыг бүсийн хэмжээнд зохион байгуулан, бүсээс шалгарсан эхний 2 баг /эрэгтэй, эмэгтэй тус бүр/ Улаанбаатар хотод буюу финалын тоглолтонд ирж оролцоно.

            4.2.Салбарын ҮЭ-ийн холбоод болон нийслэлийн ҮЭ-ийн холбоо, “Эрдэнэт үйлдвэр” ХХК-ийн ҮЭ-ийн холбоо /нийт 15 холбоо/ дундаа эхний тэмцээнийг зохион байгуулж, шалгарсан эхний 4 баг /эрэгтэй, эмэгтэй тус бүр/ тамирчид финалын тоглолтод орох эрх авна.

            4.3.Шигшээ /финалын/ тэмцээнд бүс тус бүрээс шалгарсан нийт эрэгтэй, эмэгтэй тус бүр 12 баг аваргын төлөө өрсөлдөнө.

            4.4.Шигшээ тэмцээнд оролцохоор шалгарсан багууд багийн дэлгэрэнгүй мэдүүлгийг /хавсралт маягтын дагуу/ 2017 оны 04 дүгээр сарын 15-ны дотор зохион байгуулах комисст /МҮЭ-ийн Соёлын төв ордон/ ирүүлнэ.

            4.5.Баг, тамирчид лого, хувийн дугаар бүхий спортын нэгдсэн жигд хувцастай байна. Мөн өөрийн байгууллагын туг буюу далбаа, нэр хаягтай байна.

            4.6.Тэмцээнийг мэргэжлийн холбооноос гаргасан дүрмийн дагуу мэргэжлийн шүүгч нар шүүн явуулна.

            4.7.Тэмцээний удирдамж, шүүгч, ерөнхий шүүгчийн зүгээс тавьсан шаардлагыг баг тамирчид биелүүлж ажиллана.

            4.8.Тэмцээний явцад тэмцээний талаар болон өөр асуудлаар маргаан гаргахгүй байх, шүүгчтэй маргалдахгүй байх, шүүгчийн гаргасан шийдвэр эцсийнх байна.

            4.9.Баг, тамирчид тэмцээний явцад согтууруулах ундаа хэрэглэхийг хатуу хориглоно.

            4.10.Тэмцээний үед удирдамжид заасан дэг журам болон тухайн үед шүүгч, ерөнхий шүүгчийн зүгээс тавьсан шаардлагыг биелүүлж ажиллаагүй баг, тамирчдад нэг удаа сануулах арга хэмжээ авах бөгөөд биелүүлээгүй тохиолдолд тэмцээнээс хасах шийдвэрийг ерөнхий шүүгч гаргана. Энэ шийдвэр эцсийнх байна.

            4.11.Баг, тамирчид хуваарьт тоглолт болох цагтаа ирээгүй бол 15 минут хүлээх бөгөөд дээрх хугацаанд амжиж ирээгүй тохиолдолд тухайн тоглолтод хожигдсоноор тооцно.

            4.12.Тэмцээний талаарх санал гомдлоо тухайн багийн ахлагч шүүгч, ерөнхий шүүгчид гаргана.

            4.13.Багийн тамирчдыг ҮЭ-ийн гишүүний батлах, Нийгмийн даатгалын дэвтэр, зэргийг үндэслэн тухайн бүсийн тэмцээн зохион байгуулагч нар бүртгэнэ.

            4.14.Тэмцээнд оролцох тамирчин тухайн байгууллагад тэмцээн зохион байгуулах өдрөөс өмнө 6 сараас дээш хугацаагаар ажилласан, нийгмийн даатгал төлсөн нь баталгаажсан  байна.

            4.15.Тамирчны бичиг баримтыг шүүгч, ерөнхий шүүгч, зохион байгуулагч нар хамтран шалгана.

            4.16.Шигшээ тэмцээний техникийн зөвөлгөөнд багийн ахлагч нар оролцох бөгөөд зөвөлгөөн 2017 оны 04 дүгээр сарын 21-нд 11.00 цагаас МҮЭ-ийн СТО-ны 107 тоот өрөөнд болно.

            4.17.Тэмцээнд үндэсний мэргэжлийн лигийн баг тамирчид оролцохгүй болно.

            4.18.Техникийн зөвлөгөөн дээр тэмцээний нарийвчилсан дүрмийг танилцуулж, багуудын сугалааг сугалж, тоглолтын хуваарь гаргана.

            4.19.Тэмцээн 04 дүгээр сарын 22, 23-ны өдрүүдэд өглөө 09.00 цагаас эхлэх бөгөөд тэмцээний нээлтийн үйл ажиллагаа 047 дүгээр сарын 22-ны 12.00 цагт болно.

 

Тав.Шагнал урамшуулал

            5.1.Тэмцээнд амжилттай оролцож эхний 3 байр эзэлсэн баг тус бүрийг шагнаж урамшуулна.

                        1 дүгээр байр Цом, Өргөмжлөл, алтан медаль, мөнгөн шагнал

                        2 дугаар байр Өргөмжлөл, мөнгөн медаль, мөнгөн шагнал

                        3 дугаар байр Өргөмжлөл, хүрэл медаль, мөнгөн шагнал

            5.2.Сагсан бөмбөгийн эрэгтэй, эмэгтэй тус бүр 1 шилдэг тамирчин шалгаруулан өргөмжлөл, медаль, мөнгөн шагналаар шагнаж урамшуулна.

 

            Шигшээ тэмцээний зохион байгуулах цаг хугацааг жич мэдэгдэнэ.

 

            Дэлгэрэнгүй мэдээллийг 70119080, 70119219 утсаар лавлана уу.

 

 

МҮЭ-ийн холбооны Ерөнхий зөвлөлийн тэргүүлэгчдийн 2016 оны 12 дугаар сарын 22-ны өдрийн 28 дугаар тогтоолын гуравдугаар хавсралт

 

 

 “МОНГОЛЫН ҮЙЛДВЭРЧНИЙ ЭВЛЭЛ-100 ЖИЛ” СПОРТ НААДАМ

   МҮЭ-ИЙН АЖИЛТНУУДЫН ДУНД ЗОХИОН БАЙГУУЛАХ 

“ШИЛЖИН ЯВАХ ЦОМ”-ЫН ТӨЛӨӨХ СПОРТЫН

5 ТӨРӨЛТ НӨХӨРСӨГ ТЭМЦЭЭНИЙ УДИРДАМЖ

                                                                                   

Нэг. Зорилго:

 МҮЭ-ийн 100 жилийн ойн хүрээнд МҮЭ-ийн холбооны болон аймаг, нийслэл, салбарын ҮЭ-ийн холбоодын ажлын албаны ажилтнууд, харьяа байгууллагуудын ажилтнууд хамт олны нөхөрсөг харилцаа, эв нэгдлийг бэхжүүлэх, амралт чөлөөт цагийг зөв боловсон өнгөрүүлэх, тэмцээний хамрагдах цар хүрээ, зохион байгуулалтыг сайжруулахад оршино.

 

Хоёр.Тэмцээний төрөл бүрэлдэхүүн

            1.Сагсан бөмбөг /Эрэгтэй, эмэгтэй баг тус бүр 6 тамирчин оролцоно/

-        Эр 8 минут

-        Эм 6 минутаар тус тус 2 үе тоглоно.

            2.Гар бөмбөг  /Эрэгтэй, эмэгтэй баг тус бүр 7 тамирчин оролцоно/

-      Тус бүр 21 оноогоор 2-3 үе тоглоно.

            3.Ширээний теннис /Эрэгтэй 2, эмэгтэй 2 тамирчин оролцоно/

            4.Шатар /Эрэгтэй 2, эмэгтэй 2 тамирчин оролцоно/

            5.Дартс /Эрэгтэй 3, эмэгтэй 2 тамирчин оролцоно/

 

Гурав.Хугацаа

            Тэмцээн 2017 оны ...дугаар сарын .....-ны өдрүүдэд доорх хуваарийн дагуу МҮЭ-ийн Соёлын Төв Ордны Спорт цогцолборт болно. /Хугацааг жич мэдэгдэнэ/ Үүнд:

            1.Шатрын  тэмцээн 2017 оны ...дугаар сарын ....-нд 10:00 цагаас МҮЭ-ийн СТО-ны шатрын танхимд /2 дугаар давхарт/

            2.Гар бөмбөгийн тэмцээн 2017 оны ...дугаар сарын ...-нд 09:00 цагаас МҮЭ-ийн СТО-ны спорт зааланд

            3.Ширээний теннисний тэмцээн 2017 оны ...дугаар сарын .....-нд 10:00 цагаас МҮЭ-ийн СТО-ны теннисний зааланд /2 дугаар давхарт/

            4.Сагсан бөмбөгийн тэмцээн 2017 оны ...дугаар сарын .....-нд 09:00 цагаас МҮЭ-ийн СТО-ны спорт зааланд

            5.Дартсын тэмцээн 2017 оны ...дугаар сарын....-нд .....10.00 цагаас МҮЭ-ийн СТО-ны ширээний теннисний танхимд /2 дугаар давхарт/

 

Дөрөв. Хамрах хүрээ, багууд

            Тэмцээнд МҮЭ-ийн холбооны Ерөнхий зөвлөл, аймаг, нийслэл, салбарын ҮЭ-ийн холбоод, харьяа байгууллагуудын ажлын албаны ажилтнууд оролцоно. Үүнд:

            1.Баруун бүсийн баг /Увс, Ховд, Баян-Өлгий, Завхан, Говь-Алтай /

            2.Зүүн бүсийн баг  /Хэнтий, Сүхбаатар, Дорнод, Говьсүмбэр, Дорноговь/

            3.Төвийн бүсийн баг /Архангай, Өвөрхангай, Баянхонгор, Өмнөговь, Дундговь,Төв/

            4.Хойд бүсийн баг /Хөвсгөл, Дархан-Уул, Орхон, Сэлэнгэ, Булган, “Эрдэнэт үйлдвэр” ХХК-ийн ҮЭ-ийн холбоо/

            5.Мэргэжил үйлдвэрлэлийн ҮЭ-ийн холбоодын баг

            6.Монголын Төмөр замчдын ҮЭ-ийн холбоо + Нийслэл Улаанбаатар хотын ҮЭ-ийн холбооны баг  

            7.МҮЭ-ийн Соёлын төв ордны баг

            8.МҮЭ-ийн холбооны Ерөнхий зөвлөлийн баг

            9.Хөдөлмөр нийгмийн харилцааны дээд сургуулийн баг

            10.Үйлдвэр үйлчилгээний төв + Сонгино амралтын баг

 

Тав.Тэмцээний журам, бооцоо, техникийн зөвлөгөөн

            1.Тэмцээний нээлтийн үйл ажиллагаа 2017 оны .... дугаар сарын ... -ны өдрийн 12.00 цагт болно.

            2.Баг, тамирчид  лого, хувийн дугаар бүхий спортын жигд хувцастай, өөрийн байгууллагын туг буюу далбаа, нэр хаягтай байна.

            3.Тэмцээнийг дэлхийн мэргэжлийн холбооноос гаргасан дүрмийн дагуу мэргэжлийн шүүгч нар шүүн явуулна.

            4.Тэмцээний удирдамж, шүүгч, ерөнхий шүүгчийн зүгээс тавьсан шаардлагыг баг тамирчид биелүүлж ажиллана.

            5.Тэмцээний явцад тэмцээний талаар болон өөр асуудлаар маргаан гаргахгүй байх, шүүгчтэй маргалдахгүй байх /Ерөнхий шүүгчийн гаргасан шийдвэр эцсийнх байна/

            6.Баг, тамирчид тэмцээний явцад согтууруулах ундаа хэрэглэхийг хатуу хориглоно.

            7.Тэмцээний үед удирдамжид заасан дэг журам болон тухайн үед шүүгч, ерөнхий шүүгчийн зүгээс тавьсан шаардлагыг биелүүлж ажиллаагүй баг, тамирчдад нэг удаа сануулах арга хэмжээ авах бөгөөд биелүүлээгүй тохиолдолд тэмцээнээс хасах шийдвэрийг ерөнхий шүүгч гаргана. Уг шийдвэр эцсийнх байна.

            8.Баг, тамирчид хуваарьт тоглолт болох цагтаа ирээгүй бол 15 минут хүлээх бөгөөд дээрх хугацаанд амжиж ирээгүй тохиолдолд тухайн тоглолтонд хожигдсоноор тооцно.

            9.Тэмцээнд гадны мэргэжлийн тамирчинг оролцуулахыг хатуу хориглох бөгөөд оролцуулсан тохиолдолд тухайн багийг тэмцээнээс хасна.

            10.Тэмцээний талаарх гомдлыг тухайн багийн ахлагч шүүгч, ерөнхий шүүгчид гаргана.

            11.Багийн тамирчдыг тухайн байгууллагын ажлын үнэмлэх, Нийгмийн даатгалын дэвтэр, ҮЭ-ийн гишүүний батлах зэргийг үндэслэн тэмцээн зохион байгуулагч нар бүртгэнэ.

            12.Тэмцээнд оролцох тамирчин тухайн байгууллагад тэмцээн зохион байгуулах өдрөөс өмнө 6 сараас дээш хугацаагаар ажилласан, нийгмийн даатгал төлсөн нь баталгаажсан  байна.

            13.Тамирчны бичиг баримтыг шүүгч, ерөнхий шүүгч, зохион байгуулагч нар хамтран шалгана.

            14.Тэмцээнд оролцох баг тамирчдын бооцоо 500 000 /таван зуун мянга/ төгрөг байна. Тэмцээний бооцоог 2017 оны 04 дүгээр сарын 31-ний дотор зохион байгуулах комисст бэлнээр тушаана.

            15.Тэмцээний техникийн зөвөлгөөнд багийн ахлагч нар оролцох бөгөөд зөвлөгөөн 2017 оны ...дугаар сарын ...-ны өдөр 15.00 цагт МҮЭ-ийн СТО-ны 107 тоот өрөөнд болно.

            16.Тэмцээнд оролцох багуудын ахлагч нар багийн дэлгэрэнгүй мэдүүлгийг /хавсралт маягтын дагуу/ 2017 оны ...дугаар сарын .... -ны дотор зохион байгуулах комисст ирүүлнэ.

            17.Техникийн зөвлөгөөн дээр багуудын сугалааг сугалж, тоглолтын хуваарь гаргана.

            18.Тэмцээний дундуур хөгжөөн дэмжигчдийн дунд тэмцээн зохион байгуулна.

 

Зургаа.Шагнал урамшуулал

            Тэмцээний төрөл тус бүрт дараах шагналыг олгоно. Үүнд:

            1.Эрэгтэй, эмэгтэй тус бүр 1, 2, 3 дугаар байр эзлүүлэн, алт, мөнгө, хүрэл  медаль, өргөмжлөл, мөнгөн шагналаар шагнана.

            2.Сагсан бөмбөг, гар бөмбөгийн төрөлд эрэгтэй, эмэгтэй тус бүр 1 шилдэг тамирчин шалгаруулан өргөмжлөл, медаль, мөнгөн шагналаар шагнаж урамшуулна.

            3.Багийн нийт онооны дүнгээр 1 дүгээр байр эзэлсэн багт шилжин явах цом, өргөмжлөл, мөнгөн шагнал, 2, 3 дугаар байр эзэлсэн багт өргөмжлөл, мөнгөн шагнал гардуулна.

            4.МҮЭ-ийн холбооны шилжин явах цомын төлөөх спортын тэмцээнд олон жил амжилттай оролцож буй шилдэг тамирчдыг МҮЭ-ийн болон Биеийн тамир спортын төрийн болон төрийн бус байгууллагуудын шагналаар шагнуулах ажлыг зохион байгуулна.

            Тэмцээнийг зохион байгуулах цаг хугацааг жич мэдэгдэнэ.

            Дэлгэрэнгүй мэдээллийг 70119080, 70119219 утсаар лавлана уу.