Чингэлтэй дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс 2017 оны 03 дугаар сарын 30-ны өдрийн 10:00 цагаас “Энхийн төлөө цогцолбор”-т  дүүргийн Гэмт хэргээс урьдчилан сэргийлэх ажлыг зохицуулах салбар зөвлөл болон 19 хороодын урьдчилан сэргийлэх багийн гишүүдийн нэгдсэн   “Амар тайван амьдралын төлөө хамтдаа” зөвлөгөөн зохион байгуулах гэж байна.

Зөвлөгөөний зорилго нь Чингэлтэй дүүргийн Дүүргийн нутаг дэвсгэрт Гэмт хэргээс урьдчилан сэргийлэх ажлыг зохицуулах салбар зөвлөл болон хороодын урьдчилан сэргийлэх багийн  гишүүд үйл ажиллагааны нэгдсэн зорилго чиглэлтэй болох юм. 

Тус зөвлөгөөнд Чингэлтэй дүүргийн Иргэдийн Төлөөлөгчдийн Хурлын дарга, дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга  Д.Бат-Эрдэнэ, Улсын Ерөнхий прокурорын газар, Чингэлтэй дүүргийн Прокурор, Шүүх, Цагдаагийн 1,2-р хэлтэс,Замын цагдаагийн хэлтэс, Онцгой байдлын хэлтэс, Мэргэжлийн хяналтын хэлтэс, Гэр бүл, хүүхэд, залуучуудын хөгжлийн хэлтсийн дарга нар оролцож мэдээлэл хийнэ.