Энхболд.М Чойжилсүрэн.Б 2017.04.07 | Сайт: Vip76.mn

Төсвийн хүрээний мэдэгдэл, төсвийн төсөөллийг хэлэлцэхийг дэмжлээ

Төсвийн хүрээний мэдэгдэл, төсвийн төсөөллийг хэлэлцэхийг дэмжлээ
УИХ-ын чуулганы нэгдсэн хуралдаан

УИХ-ын чуулганы нэгдсэн хуралдаанаар Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуульд нэмэлт өөрчлөлт оруулах тухай болон холбогдох бусад хуулийн төслүүдийг хэлэлцлээ.

Хуулийн төслийн хүрээнд УИХ-ын гишүүн О.Содбилэг, Д.Сарангэрэл, Т.Аюурсайхан, Д.Эрдэнэбат, Ж.Батзандан, Д.Тэрбишдагва, Г.Занданшатар, Н.Учрал, Л.Энх-Амгалан, З.Нарантуяа нар асуулт асууж хариултаа авав. Гишүүд төсвийн төсөөлөл, өсөлтийн тооцооллыг 3 хувиар тавьсан нь оновчтой байсан.

Мөн сөрөг хүчинд хандан Сангийн сайд өмнөх засгийн үед бий болсон асуудлыг сөхөх талаар ярих бус хэлэлцэж буй асуудалаа ярина уу хэмээв. Гишүүд асуулт асууж хариулт авсны дараа нэр бүхий гишүүд хуулийн төслийг дэмжин, үг хэлж саналаа хэлсэн юм.

Үүний дараа хуулийн төслийг хэлэлцэх эсэх асуудлаар санал хураахад гишүүдийн 87,3 хувь нь дэмжиж, хуулийн төслийг дагалдах төслүүдийн хамтаар харьяалах байнгын хороонд нэг дэх хэлэлцүүлэгт шилжүүллээ

Сэтгүүлч

Сэтгүүлч Б.Сувд