Бямбаа.Т 2017.04.28 | ХМА: Мэргэжлийн холбоо

Автозамын тусгай зөвшөөрөлтэй компаниудын анхааралд

Автозамын тусгай зөвшөөрөлтэй компаниудын анхааралд

Зам, тээврийн хөгжлийн яамнаас олгогдож байгаа “Авто зам, замын байгууламжийг барих, засварлах тусгай зөвшөөрөл олгох журам”-ын дагуу олгогдсон аж ахуйн нэгж байгууллагуудын чадавхийг тодорхойлох ажлын хэсэг байгуулагдан хяналт, шалгалт хийж байна.
Иймд тусгай зөвшөөрлийн хугацаа нь хүчинтэй байгаа аж ахуйн нэгж байгууллагууд Зам, тээврийн хөгжлийн яамны 101 тоотод энэ сарын 05-ны дотор хандаж хяналт, шалгалтад хамрагдах юм.


Хяналт, шалгалтад хамрагдахаар ирэхдээ:

  • Улсын бүртгэлийн гэрчилгээ;
  • Тусгай зөвшөөрөл;
  • Тоног төхөөрөмж, машин механизмын гэрчилгээ;
  • Татварын ерөнхий газраас 2013 оноос хойшхи татвар төлөлтийн байдлын тодорхойлолт;
  • Эрүүл мэнд, нийгмийн даатгалын ерөнхий газарт бүртгэлтэй ажилчдын тодорхойлолт;
  • Инженер, техникийн ажилчдын бүртгэл зэрэг бичиг баримт бүрдүүлж ирэх шаардлагатай аж.

Дээрх заасан хугацаанд ирж чадавхиа тодорхойлуулаагүй аж ахуйн нэгж байгууллагуудын тусгай зөвшөөрлийг түдгэлзүүлэх юм байна.
Дэлгэрэнгүй мэдээллийг Зам, тээврийн хөгжлийн яамны Хяналт-шинжилгээ, үнэлгээ, дотоод аудитын газар буюу 62263197 дугаарын утсаар лавлах боломжтой.