УИХ-ын чуулганы нэгдсэн хуралдаанаар /2017.05.12/ Хог хаягдлын тухай хуулийн төслийн эцсийн хэлэлцүүлгийг хийж, гишүүдийн 77,1 хувийн саналаар баталлаа. 

Уг хуулийн төсөлд хог хаягдал хаясан аж ахуйн нэгж буюу бохирдуулагч нь хог хаягдал ангилах, дахин боловсруулах, сэргээн ашиглахтай холбоотой асуудлыг өөрөө хариуцах болсон. Мөн хог хаягдлыг боловсруулах үйлдвэрүүдийг бодлогоор дэмжиж, аюултай хог хаягдлыг хэрхэх тухай асуудлыг нэг мөр шийдсэн байна. 

Хуулийн төсөл батлагдсанаар хог хаягдлаас хүний эрүүл мэнд, байгаль орчинд үзүүлэх сөрөг нөлөөллийг бууруулна. Хог хаягдлыг эдийн засгийн эргэлтэд оруулж, байгалийн нөөц баялгийг хэмнэх, иргэдийн хог хаягдлын талаар боловсролыг дээшлүүлнэ гэж хууль санаачлагч хэлж байна.

Хог хаягдлыг бууруулах, ангилах, бууруулах, тээвэрлэх, хадгалах, дахин ашиглах, дахин боловсруулах, сэргээн ашиглах, устгах, экспортлох болон аюултай хог хаягдлыг импортлох, хил дамжуулан тээвэрлэхийг хоригложээ. 

Хуулийн төсөлд тухайн салбарын үйл ажиллагааны мэргэжлийн онцлогтой холбоотойгоор хог хаягдлын менежментийг хэрэгжүүлэх журам боловсруулах, хог хаягдлын норматив хэмжээг тогтоох, мэдээллийн сан бүрдүүлэх, үнэ тарифыг тогтоохг санхүүжүүлэх, заавар, аргачлал батлах эрхийг төрийн захиргааны зарим байгууллагад тусгайлан заажээ.