Экспертүүд
2017.05.23

Нүүдэл шийдэл: Давхар иргэншил

Нүүдэл шийдэл бодлогын мэтгэлцээн Давхар иргэншлийн асуудлыг хөндөн хэлэлцүүлэг өрнүүллээ.

Хэлэлцүүлэгт УИХ-ын гишүүн Л.Болд болон салбарын экспертүүд хуульч, эрхзүйчид оролцлоо.

Гадаад эцэг, эхтэй хүүхэд, гадаад хүнтэй гэрлэсэн хүмүүстэй холбоотой ойлгомжгүй, зохицуулахад төвөгтэй асуудал олон гардаг учраас Монгол Улсын иргэн хязгаарлагдмал хүрээнд давхар харьяалалтай болох тухай хуулийн төслийг 2005 оноос эхлээд ярьж байгаа ч, ямар ч шийдэлд хүрэхгүй шахам байсаар өнөөг хүрч байна. 

Хүн ам цөөтэй, эдийн засаг сайнгүй манайх шиг улс давхар харьяалалтай болвол үндэсний аюулгүй байдалд нөлөөлнө гэж үзээд үүнийг зөвшөөрдөггүй юм.

Үндэсний аюулгүй байдлын зөвлөлийнхний үзэл баримтлал бол УИХ-аар баталдаг бодлогын баримт учир үүнийг зөрчиж хууль батлах боломжгүй. Хязгаарлагдмал хүрээнд давхар харьяалалтай болох хуулийн төсөл гацчихаад байгаагийн гол шалтгаан үүнд байгаа аж.