Бямбаа.Т 2017.07.10 | Мэргэжлийн холбооны хэвлэл мэдээллийн алба

Т.Бямбаа: Монголын нийт замчид, зам хэрэглэгч та бүхэн сайхан наадаарай

Т.Бямбаа: Монголын нийт замчид, зам хэрэглэгч та бүхэн сайхан наадаарай
Монголын авто замчдын холбооны ерөнхийлөгч Т.Бямбаа

Монгол түмний төрт ёсны их баяр-Наадам, Ардын хувьсгалын 96 жилийн ойн баярын мэндчилгээ дэвшүүлж Монголын нийт замчид, зам хэрэглэгч та бүхэнд  болон  танай  гэр  бүлийн гишүүдэд аз жаргал, эрүүл  энх, хөдөлмөр, бүтээлийн их амжилтыг хүсэн ерөөе!  

Манай үе, үеийн замчид салбарынхаа өмнө тавигдсан зорилтуудыг амжилттай хэрэгжүүлж, жилийн дөрвөн улиралд авто тээврийн хэрэгслийг саадгүй нэвтрүүлэх, зам хэрэглэгчдийн ая тухтай зорчих нөхцөл боломжийг бүрдүүлж төр, түмэндээ үйлчлэх эрхэм үүргээ нэр төртэй биелүүлж улс орны эдийн засаг, нийгмийн хөгжилд бодитой хувь нэмэр оруулсаар ирсэн.

Энэ цаг мөчид Монгол эх орныхоо өнцөг булан бүрт түмэн олныхоо зорчих алтан шар замыг барьж, засч буянтай үйл бүтээж буй хөдөлмөрч, бүтээлч олон зуун замчид, нийт хамт олон Та бүхний алтан шар зам өлзийтэй байж, юу санасан есөн хүсэл тань сэтгэлчлэн бүтэхийн ерөөлийг өргөн дэвшүүлье.

Өвөг дээдсийн минь гал голомтоо асаан, үеийн үед бишрэн дээдэлсээр ирсэн Монгол нутагт ямагт хийморийн салхи шившиж, бөх нь хүчтэй, морьд нь хурдтай, эрхий мэргэн харваачид нь цэцтэй байхын аз хийморийг бэлгэдэж, баяр наадмаараа амар амгалан, түвшин сайхан баярлахын өлзийтэй ерөөлийг өргөн дэвшүүлье.

МОНГОЛЫН АВТО ЗАМЧДЫН ХОЛБООНЫ ЕРӨНХИЙЛӨГЧ Т.БЯМБАА

Сэтгүүлч

vip76.mn Г.Мөнхтуяа munkhtuya@vip76.mn