Ц.Сандуйг албан тушаалаас нь чөлөөлөгдөх хүсэлтийг хүлээн авлаа. НИТХ нь нийт 45 гишүүнтэй бөгөөд үүний 36 төлөөлөгч буюу 81.8 хувийн түүний хүсэлтийг хүлээн авлаа.

Үүний дараагаар НИТХ дах МАН-ын бүлгийн дарга С.Мөнхчулуун намын бүлгийн хурлын саналыг танилцууллаа.

МАН-аас НИТХ-ын даргад Г.Төмөрбаатар, Ж.Батбаясгалан, Д.Баярсайхан гэсэн 3 төлөөлөгчдийн санал оруулсан бөгөөд бүлгийн хуралдаан дээр Г.Төмөрбаатар, Ж.Батбаясгалан нар нэрээ татсан байна. Тиймээс НИТХ-д төлөөлөгч Д.Баярсайханыг НИТХ-ын даргаар томилох санал гаргалаа.

НИТХ-ын төлөөлөгч Д.Баярсайхан

Асуудлыг хэлэлцэх үед НИТХ-ын заалнаас МАН-ын бүлгээс С.Амарсайханыг нэрийг мөн дэвшүүлсэн юм.

Ингэснээр НИТХ-ын даргад Д.Баярсайхан, С.Амарсайхан гэсэн хоёр нэр дэвшигч тодорсон юм. Харин АН-ын бүлгээс дээрхи 2 нэр дэвшигчийн хэнийг дэмжих талаар бүлгээрээ хэлэлцэх шаардлагатай байгаа учир НИТХ-ын дэгийн дагуу 2 цагийн завсарлага авлаа. НИТХ-ын хурал 2 цагийн дараа эргэн хуралдана.

М.Наран

НИТХ-ын даргад Д.Баярсайхан, С.Амарсайхан нар нэр дэвшиж, АН-ын бүлэг завсарлага авлаа