УИХ-ын гишүүн Б.Жавхлан Дархан-Уул аймгийн оюутан залуусын дунд тэтгэлэгт хөтөлбөр зарлажээ.

“Шинэ Дархан” хөтөлбөрийн хүрээнд амжилттай суралцаж буй Дархан-Уул аймгийн манлайлагч хүүхэд, залуучуудын оюуны хөрөнгө оруулатыг дэмжих зорилготой аж.

Уг тэтгэлэгт дотоодын их дээд сургуульд суралцаж буй /ДУА-ийн 10-16 дугаар багийн харъяат/ бакалаврын зэрэг горилогч 1-р курсын оюутнууд хамрагдана.

Гол шалгуур нь бүрэн дунд боловсролын гэрчилгээний дүн 80% В ба түүнээс дээш байх, ЭЕШ-ын оноо 500 болон түүнээс дээш байх шаардлагатай юм.

Шалгаруулалтад оролцохыг хүссэн оюутнууд дараах материалыг бүрдүүлнэ:

Бүрэн дунд боловсролын гэрчилгээний хуулбар
Нийгмийн идэвхи оролцоог үнэлсэн тодорхойлолтууд (батламж, сертификат хуулбар)
Элсэн суралцаж буй сургуулийн тодорхойлолт
Иргэний үнэмлэхний хуулбар
“Тэтгэлэг авах миний давуу тал” гэсэн сэдвээр 300 үгтэй эссэ бичиж хавсаргах
Бичсэн эрдэм шинжилгээний бүтээл, илтгэл, үзэсгэлэн, сургалт, дамжааны түвшин тогтоох сертификат гэх мэт амжилтуудыг гэрчлэх баримтуудыг хавсаргах
Өрхөөс 2 ба түүнээс дээш их дээд сургуульд суралцдаг бол сургуулийн тодорхойлолт болон харъяа баг хорооны тодорхойлолт

Тэтгэлэгт хамрагдах шалгуурууд дээр үндэслэн бүрдүүлсэн материалыг харгалзан үзэж нийт 15 хүртэлх оюутныг 10 сарын 10-наас 11 сарын 11 хүртэл шалгаруулах юм.

Шаардлага хангасан материалыг УИХ-ын гишүүн Б.Жавхлангийн ажлын албаны 263344 (Улаанбаатар хот дахь 8000-3580, Дархан хот дахь 99993758) утсаар холбогдож өгөх, Javkhlanb@parliament.mn цахим хаягаар ирүүлэх боломжтой.

Дархан-Уул аймгийн оюутан залуусын дунд тэтгэлэгт хөтөлбөр зарлалаа

Дархан-Уул аймгийн оюутан залуусын дунд тэтгэлэгт хөтөлбөр зарлалаа