Бямбаа.Т 2017.12.18 | Мэргэжлийн холбооны хэвлэл мэдээллийн алба

Авто замын салбар 2017 оны ажлаа дүгнэн шилдгүүдээ тодрууллаа

Авто замын салбар 2017 оны ажлаа дүгнэн шилдгүүдээ тодрууллаа

Хөгжилд хөтлөгч авто замчид” шинэ жилийн цэнгүүн 11 дэх жилдээ зохион байгуулагдлаа. Уг арга хэмжээнд авто замын салбарын төрийн болон төрийн бус байгууллагууд, авто зам, гүүрийн барилга, зураг төсөл, зөвлөх үйлчилгээний компаниудын төлөөлөл оролцож  2017 оны ажил амжилтаа дүгнэж шилдгүүдээ тодрууллаа. Цэнгүүнийг нээж Зам, тээврийн хөгжлийн дэд сайд Б.Цогтгэрэл, Монголын авто замчдын холбооны ерөнхийлөгч Т.Бямбаа нар үг хэллээ.

2017 ОНЫ АВАРГА, 9 ЭРДЭНИЙН ЦОМЫН ЭЗДЭЭР:

2017 ОНЫ АВАРГА УДИРДАН ЗОХИОН БАЙГУУЛАГЧ   -   Д.Доржханд    - Зам, тээврийн хөгжлийн яамны  Авто замын бодлогын хэрэгжилтийг зохицуулах газрын дарга

Д.Доржханд

2017 онд эрхэлсэн ажил, үүргийн хүрээнд гаргасан амжилт, бүтээлийг дурдвал:

1998 онд батлагдсан “Авто замын тухай хууль”-ийн шинэчилсэн найруулгын төсөл боловсруулах ажлын хэсгийн даргаар ажиллаж, хуулийн төслийн үзэл баримтлал, хуулийн төслийг Засгийн газрын бүтцийн өөрчлөлттэй уялдуулан 2 удаа Засгийн газрын хуралдаанаар хэлэлцүүлэн дэмжүүлж, 2 удаа Улсын Их Хуралд өргөн барьж ажилласан бөгөөд энэ нь түүний ур чадвар бүхий удирдлага зохион байгуулалт, түргэн шуурхай үйл ажиллагааны үр дүн болж байна. Үүний үр дүнд Авто замын тухай хуулийн шинэчилсэн найруулга нь Улсын Их Хурлаар 2017 оны 5 дугаар сарын 11- ны өдөр батлагдсан.

“БНХАУ-ын Засгийн газрын хөнгөлөлттэй зээлийн хөрөнгөөр хэрэгжиж буй “Тосонцэнгэл-Улиастай чиглэлийн 114 км хатуу хучилттай авто зам”, “Баянхонгор-Байдрагийн гүүр чиглэлийн 129.4 км хатуу хучилттай авто зам”, “Улаанбаатар-Хөшигийн хөндийн олон улсын шинэ нисэх онгоцны буудал чиглэлийн хурдны авто замыг барих төсөл”-ийн гүйцэтгэгчийн сонгон шалгаруулах үйл ажиллагааг зохион байгуулан гэрээний хэлэлцээрийг амжилттай хийсний дүнд хуваарилагдсан хөрөнгөөс 20.4 сая ам.долларын хөрөнгийг хэмнэж, хэмнэсэн хөрөнгөөр “Тосонцэнгэл-Улиастай чиглэлийн Солонготын давааны 67 км авто зам”-ын барилгын ажлын хэрэгжүүлэх шийдвэрийн Засгийн газрын хуралдаанаар хэлэлцүүлэн дэмжүүлсэн.

2017 ОНЫ АВАРГА  ИНЖЕНЕР ТЕХНИКИЙН АЖИЛТАН   Ч.Лхагважав   “ЛАБО" ХХК-ийн ерөнхий захирал

Авто замын салбарын 200 гаруй стандартыг баг хамт олноороо боловсруулсан үүнээс өөрөө бие даан 40 гаруй стандарт норм, нормативын бичиг баримт боловсруулж салбарыг стандартыг шинэчлэн боловсруулахад бодит хувь нэмрээ оруулсан.

Их дээд сургууль, мэргэжил дээшлүүлэх, мэргэжилтэй ажилтан бэлтгэх сургалтанд 2000 оноос хичээл зааж 500 гаруй мэргэжилтэн бэлтгэсэн, мэргэжилийн ном сурах бичиг багш нарынхаа хамт гаргасан.

Төрийн болон төрийн бус байгууллагуудын ажилд идэвх зүтгэлтэй оролцож авто замчдын холбоо, авто замчин эмэгтэйчүүдийн холбоог үүсгэн байгуулсан.Монгол улсад чанартай зам гүүр барихад онцгой ач холбогдол өгч томоохон гүүр.зам, нүхэн гар, ус зайлуулах байгууламжийн ажилд хэрэглэгдэх дүүргэгч материалуудын шинжилгээ, орц нормыг тогтоож өгсөн.

2017 ОНЫ АВАРГА ЗАМЧИН   

Б.Варнышка    - “ЭРДЭНЭ ЗАМ “ ХХК-ийн автогрейдерчин

Варнышка нь зам барилгын үйлдвэрлэлийн технологийг сайн эзэмшсэн, ажлын нарийн ур чадвартай тул ажлын бүтээмж тогтвортой өндөр байдаг.

Хөдөлмөр хамгаалал, техникийн аюулгүй ажиллагааг бүрэн эзэмшсэн, механизмаа чадварлаг эзэмшдэгийн хувьд замын технологийн дагуу цаг агаарын нөхцөл байдалд тохируулан осол авааргүй, үр бүтээлтэй ажилладаг.

Б.Варнышка нь техникийн бэлэн байдлыг ханган ажиллахын тулд өвлийн улиралд засварын цагийн графикийг нарийн мөрдөж, эд анги. агрегатын тохируулгыг чанартай хийснээр ажлын байнгын бэлэн байдалд байлгадаг. өөрийн мэдлэг боловсролоо дзэшлүүлэхэд байнга анхаарч. тогтвор сууршилтай ажиллахын зэрэгцээ түүнийгээ залуу хойч үеийн замчид механизмчидад өвлүүлэх талаар санаачлагатай ажиллаж байна.

Аливаа асуудапд шударга тэвчээртэй хандаж, хамт ажиллаж буй олон механизмчдыг өөрийн ажлын арга барилд сайн сургадгийн зэрэгцээ нийт хамт олныг манлайлж тэднийг хошуучлан үлгэр дууриал болон ажилладаг тул авто замын салбарын хамт олны дунд нэр хүндтэй манай тэргүүний гавъяат ажилчин юм.

АВТО ЗАМЫН САЛБАРЫН ТЭРГҮҮНИЙ 9 АЖИЛТНААР:

Тэргүүний замчин С.Чулуунбат "Дорноговь АЗЗА" ТӨХК-ийн замчин

Тэргүүний механизмчин С.Ганбаатар "Эсто" ХХК-ийн механизмын оператор

Тэргүүний жолооч Ш.Жанчив "Арж капитал" ХХК-ийн жолооч

Тэргүүний удирдан зохион байгуулагч Б.Энхтөр "Хязгааргүй хөдөлгөөн" ХХК-ийн ерөнхий захирал

Тэргүүний санхүүгийн ажилтан Ц.Сайнтуяа "Гангүүр" ХХК-ийн хүний нөөцийн менежер, төсвийн инженер

Тэргүүний зураг төслийн инженер Д.Түвшин "Ай Си Ти Сайн консалтинг" ХХК-ийн хийцийн инженер

Тэргүүний талбайн инженер, даамал мастер Д.Болдбаатар "Төв АЗЗА" ТӨХК-ийн ерөнхий инженер

Тэргүүний авто замын инженер Л.Эрдэнэбаатар "ЗЗБ" ХХК-ийн ерөнхий захирал

Тэргүүний хяналтын инженер Х.Басан Зам, тээврийн хөгжлийн төвийн хяналтын багын ахлагч

2017 ОНЫ ОНЦЛОХ ҮЙЛ ЯВДАЛ:

АВТО ЗАМЫН ТУХАЙ ХУУЛИЙН АЖЛЫН ХЭСГИЙН ХАМТ ОЛОНД:

Монгол улсад авто замын салбар үүсч хөгжсөний  88 жилийн түүхт ой,  2017 онд “Авто замын тухай хуулийн шинэчилсэн найруулга” батлагдсаныг оны “ОНЦЛОХ ҮЙЛ ЯВДАЛ”-аар. 

АР ДИ ЭЙ СИ ХХК-ИЙН ЗӨВЛӨХ БАГИЙН ХАМТ ОЛОНД

Монгол улсын Үндэсний авто замын сүлжээний тооллого, бүртгэл, паспортжуулалт, Авто замын бүртгэл, мэдээллийн цахим сан бий болгох Зөвлөх үйлчилгээний ажлыг чанарын өндөр түвшинд гүйцэтгэж, Авто замын бүртгэл, мэдээлийн нэгдсэн санг байгуулах боломж бүрдүүлэн, олон улсын болон улсын чанартай зам, гүүрийг шинэчлэн үнэлж, бүртгэлд авахад бэлэн болгосон тул  Ар Ди Эй Си ХХК-ийн Зөвлөх багийн гүйцэтгэсэн энэхүү ажлыг Авто замын салбарын 2017 оны “ОНЦЛОХ АЖИЛ, ҮЙЛС”-ээр

Зөвлөх багийн бүрэлдэхүүн:

  1. Монгол улсын Зөвлөх инженер ДОРЖЦЭВЭЭНИЙ БААСАНХҮҮ
  2. Монгол улсын Зөвлөх инженер НЯМЖАВЫН АДИЛБИШ
  3. Монгол улсын Зөвлөх инженер РАВЖИРЫН БАЛЖИР
  4. Монгол улсын Зөвлөх инженер ХУУШААНЫ ГАНТӨМӨР
  5. Авто замын инженер АДИЛБИШИЙН ЗОЛЖАРГАЛ
  6. Замын машин механизмын инженер ЁНДОНЖАМЦЫН ЭРДЭНЭЖАРГАЛ

МОНГОЛ УЛСЫН ЗӨВЛӨХ ИНЖЕНЕР Ж.БАТСАЙХАН:

Монгол улсад авто замын салбар үүсч хөгжсөний 88 жилийн  түүхт ой,  2017 онд  Бетон хольцыг нягтруулах доргиурт төхөөрөмжийн боловсруулалт” сэдвээр техникийн ухааны докторын зэрэг хамгаалсан тул  оны “ОНЦЛОХ ХҮН, ЭРДЭМТЭН”-ээр тус тус өргөмжлөв.