УИХ-ын чуулганы үдээс өмнөх хуралдаанаар хэлэлцэх асуудлыг жагсаалтанд УИХ-ын гишүүн Т.Аюурсайхан 2016.12.28-ны өдөр өргөн мэдүүлсэн "Бичил уурхай эрхлэгч иргэдийн талаар авах арга хэмжээнийн тухай Монгол Улсын Их Хурлын тогтоол"-ын төсөл орсон байсан.

Энэхүү тогтоолын төсөл нь ажилгүйдэл, ядуурлыг бууруулах, өрхийн орлогыг нэмэгдүүлэх үндэсний хэмжээний бодлого, хөтөлбөрүүдэд бичил уурхай эрхлэгч иргэдийн талаар тусгай дэд хөтөлбөр нэмж боловсруулах, тэдгээрийн ажил эрхлэлтийн өөр зэрэгцээ хэлбэр, орон нутгийн нөхцөлд тохирсон шинэ ажлын байруудыг бий болгох, мэргэжлийн боловсролын төрөл бүрийн сургалтын тогтолцоог бүрдүүлэх, бичил уурхайн үйл ажиллагаа, төвлөрсөн засаг захиргааны нутаг дэвсгэрт өрхийн болон жижиг үйлдвэрлэл, үйлчилгээний газруудыг тусгайлан байгуулах, тэдгээрт бичил уурхай эрхлэгчдэд, ялангуяа уул-геологийн нөхцөл нь хүндэрсэн, хөдөлмөрийн аюулгүй байдал нь хурцадсан газруудад ажиллаж буй иргэдэд шинээр хөдөлмөр, бичил, жижиг бизнес эрхлэх боломжийг олгох зорилтуудын хүрээнд энэхүү тогтоолын төслийг боловсруулжээ.

Гэсэн ч гишүүд энэ төслийг хэлэлцэхийг хойшлуулах саналтай байгаагаа илэрхийллээ. Учир нь салбарын сайд хүндэтгэх шалтгаантай ирээгүй байгаа нөгөө талаасаа зөвхөн бичил уурхай эрхлэгчдийн асуудлыг дангаар оруулж ирэхээс илүү цогцоор нь авч үзэх хэрэгтэй. Тиймээс салбарын яамтай хамтарсан бодлого орж ирэх ёстой гэсэн байр суурийг илэрхийлсэн юм.

Ингээд УИХ-ын гишүүн А.Сүхбат санал гаргаж, гишүүд хуулийн төслийг хойшлуулахыг дэмжлээ.

Холбоотой мэдээлэл:

УИХ-ын гишүүн Б.Бат-Эрдэнэ: Энэ асуудлыг яаран хэлэлцмээргүй байна

УИХ-ын гишүүн Д.Оюунхорол: Өнөөдөр гар аргаар алт ухаж байгаа хүн бараг байхгүй. Ихэнх нь супер нинжа болсон

Б.Энх-Амгалан: Миний багадаа хонь хариулж, морь унаж явсан тэр нутаг одоо улаан түйрэн болсон

Ц.Гарамжав: Өнөөдөр ашигт малтмал олборлож байгаа том МАСС үүсчхээд байна

Бичил уурхай эрхлэгчдийн асуудлыг хэлэлцэхийг хойшлууллаа