Авто машины хөдөлгөөн нийслэлийн хэмжээнд эрс нэмэгдэж байгаа. Тэгвэл дүүрэг дүүргийн замын хөдөлгөөний онцлог шинжээс хамааран хөдөлгөөний аюулгүй байдлыг хангах бодлого, чиглэлийн боловсруулах нь зүйтэй хэмээн албаныхан үзэж байна.

Энэ хүрээнд өнөөдөр Хан-Уул дүүрэгт “Замын хөдөлгөөний аюулгүй байдлын төлөө-ХАМТДААШИЙДЬЕ” зөвлөгөөнийг зохион байгууллаа. Тус дүүргийн хувьд төвийн дүүргүүдийг бодвол замын ачаалал арай бага байдаг.

Гэсэн ч Нисэх, Яармагийн замд жолооч нар хурд хэтрүүлэх дүрэм зөрчсөнөөс зам тээврийн ноцтой ослууд гарч байгаа билээ. Түүнчлэн гаднаас манай улсад ирж байгаа зочин, төлөөлөгчид энэ замаар ирж, очиж байгаа. Тиймээс замын хөдөлгөөний аюулгүй байдлыг хангаж ажиллах, замын хөдөлгөөний ослоос урьдчилан сэргийлэх нь нэн чухлаар тавигдаж байна. Хүүхэд төвлөрч буй тэр дундаа ЕБС-ын ойр орчимд зам тээврийн осолд өртөх тохиолдол цөөнгүй байгаа учраас энэ орчны замын тэмдэг, тэмдэглэгээ сайжруулах чиглэлд ажиллах бодлого Дүүргийн ИТХ-аас баримталж байгаа юм байна.

ИТХ-ын дарга Б.Цэрэн

"хурдтай холбоотой хүний амь нас эрдсэн зам тээврийн осол гэмтлийг хэрхэн бууруулах уу? Жишээлбэл, Өнгөрсөн жил Яармаг хэсгийн зам дээр явган зорчигч их бэртэж, гэмтсэн. Үүнийг хэрхэн шийдэх вэ? гарц гармын нэмэгдүүлэх, гар дохиог нэмэх, хаалтыг сайжруулах тал дээр нийлээд ажиллаж байна. Хамгийн их ач холбогдол өгч буй зүйл бол хүүхдийн осол гэмтлээс урьдчилан сэргийлэх ажлыг анхаарч байна. Сурталчлан таниулах, сургууль орчмын бүсийн тэмдэг, тэмдэглэгээ, гарц, эцэг эхийн хараа хяналтыг сайжруулах зэрэг зохицуулалт дээр анхаарч, 2018 илүү сайжруулахаар ажиллаж байна"

Замын хөдөлгөөний аюулгүй байдлыг ХАМТДАА ШИЙДЬЕ зөвлөгөөн болов