Болд.Л 2018.03.14

УИХ-ын гишүүн Л.Болд асуудлыг иргэдтэй хамт шийднэ

УИХ-ын гишүүн Л.Болд асуудлыг иргэдтэй хамт шийднэ

-Иргэд өөрсдийн өмчилж авсан газартаа амьны орон сууц барьж, сайжруулан, орчноо тохижуулж, дэд бүтцэд холбогдох хүсэлтэй байгаагаа илэрхийллээ-

УИХ-ын намрын чуулган завсарлаж, хаврын чуулган эхлэхэд үндсэндээ сар хүрэхгүй хугацаа үлдлээ. Чуулганы завсарлагаанаар УИХ-ын гишүүд тойргийн иргэд, сонгогчидтой уулзалт хийдэг уламжлалтай. Энэ дагуу УИХ-ын гишүүн Л.Болд өнгөрсөн амралтын өдрүүдэд Хан-Уул дүүргийн Яармагийн 4, 5, 6, 7, 8 дугаар хорооны иргэдтэй уулзлаа.

Энэ үеэр намрын чуулганы хугацаанд УИХ-аас баталсан хууль, тогтоомж, Засгийн газрын үйл ажиллагаа, олны анхаарлын төвд байгаа зарим асуудлаар ярилцсан байна.

Иргэдийн гол хөндсөн асуудлуудаас тоймловол:

  1. Шөнийн цахилгааныг тэглэсэн гэх боловч иргэдийн цахилгааны төлбөр дээр үндэслэлгүй төлбөр нэмж буй асуудал, мөн гэр хорооллын айл өрхийн халаалтыг шийдээгүй мөртлөө 2019 оноос нийслэл хотод нүүрс оруулахыг хориглож байгаа нь бодит амьдралд нийцэхгүй байгаа талаар,
  2. Иргэдийн нийтийн хурал, иргэдийн Засаг даргаа сонгох эрхэнд халдан хороон Засаг дарга нарыг үүрэг гүйцэтгэгчээр томилсон тухай, дээрээс томилогдсон үүрэг гүйцэтгэгч нар иргэдийг намын харьяаллаар ангилан ялгаж буй талаар,
  3. Нийслэлээр дахин төлөвлөлтийг улстөржүүлэн зогсоосон асуудал, мөн хувийн компанийн барьсан орон сууцыг дэд бүтэц, дулааны шугамд холбож буй мөртлөө дэргэд нь ирсэн дэд бүтцийг иргэдийн газар дээр холбох зөвшөөрлийг өгөхгүй байгаа асуудал,
  4. Үндсэн хуулийг өөрчлөх нэрээр Ерөнхийлөгчийн эрхэнд халдахаар зэхэж буй, мөн нийгмийг эргэлзээнд оруулаад буй оффшор гэх мэт олон асуудалд УИХ иргэдийн эргэлзээг тайдж хариулт өгөх зэрэг асуулыг хөндөж байсан юм.
Хан-Уулчуудын бас нэгэн анхаарал хандуулж байгаа асуудал бол Хотын захиргаа Яармагт нүүж ирэх тухай шийдвэр юм.

Энэ асуудалд иргэд өөрсдөөс нь санал авч зөвлөлдөх хэрэгтэй гэж үзэж байгаа юм байна Яармаг орчим бол өвөлдөө утаа бага, хавартаа тоосжилт багатай харьцангуй эрүүл газар.

Нийслэл хот агаарын бохирдол ихтэй Сонгинохайрхан дүүрэгт нүүж очин асуудлаа шийдвэрлэхийн оронд амар хялбар шийдэл хайн Яармагт нүүж ирэх шийдвэрийг шүүмжилж байлаа. Хэрэв хотын удирдлага нийслэлийг нүүлгэж ирэх шийдвэртэйгээ хамт Яармагт амьдарч буй иргэдийг дэд бүтцээр хангах, орчныг сайжруулахад дэмжлэг үзүүлэхгүй бол иргэд хотын захиргааг Яармагт нүүж ирэхийг эсэргүүцэхээ хэлж байлаа.

Мөн Нийслэл хотын захиргаа гэнэт Яармагт нүүж ирэх шийдвэр гаргасан тухай хотын дарга, нийслэлийн удирдлагуудыг энэ орчмын иргэдтэй өөрийн биеэр уулзаж танилцуулах, мэдээлэл өгөхийг хотын дарга С.Батболд уламжилж өгөхийг УИХ-ын гишүүнээс хүслээ.

Уулзалтын үр дүнд иргэд хороо, гудамж бүрээр нэгдэн амьдарч буй орчноо сайжруулах, хашаа, орон байраа өөд нь татах, агаар хөрсний бохирдлыг багасгах чиглэлээр санаачлага гарган холбогдох сургалт, судалгааг зохион байгуулах, ажил хэрэг болгоход УИХ-ын гишүүний зүгээс дэмжлэг үзүүлж хамтран ажиллахаар боллоо.