Оюутолгойн гэрээ нь Монгол улсын ҮАБЗ-ийн 6 зөвлөмж, УИХ-ын 4 тогтоол, 10 гаруй хуулийг зөрчжээ. Хэрвээ Дубайн гэрээг байгуулаагүй бол 2019 оноос Монголын тал 50%-аас доошгүй хувийг эзэмшиж, ноогдол ашигаа хүртэх боломж бүрдэх байсан гэж Ч.Улаан гишүүн онцолжээ.
-Анх гэрээ байгуулж байхдаа Монголын тал 34%-ийг үнэ төлбөргүй эзэмших заалтыг УИХ-аас Засгийн газарт чиглэл өгсөн. Засгийн газар энэ асуудлыг гэрээндээ тусгаагүйгээс болоод Монголчуудад ашиггүй гэрээ байгуулсан гэж яригдаад байна.Энэ талаар....
УИХ-ын гишүүн Ч.Улаан: Оюутолгойн гэрээ байгуулах асуудлаар үндэсний аюулгүй байдлын зургаан зөвлөмж гарсан байдаг. Мөн УИХ-ын дөрвөн тогтоол бий. УИХ, Оюутолгойн орд газрыг ашиглах хөрөнгө оруулалтын гэрээний төслийг хоёр удаа буцаасан. Оюутолгойн орд газрыг ашиглахад баримтлах үндсэн зарчим, удирдамжийг нь батласан УИХ-ын 40-р тогтоолыг гаргасан. Энэ тогтоолд 9 заалтыг тусгасан. Үүнээс 6 заалтыг огт хэрэгжүүлээгүй, үлдсэн хэсгийг нь хагас дутуу биелүүлсэн байна.
