Л.Болд 2018.05.10 | Телевиз: SBN

УИХ-ын гишүүн Л.Болд SBN телевизд ярилцлага өглөө

УИХ-ын гишүүн Л.Болд цаг үеийн асуудлаар SBN телевизийн оргил цаг- ярилцлагад оролцлоо.

-         Энэ долоо хоногт улс төрийн хүрээнд олон чухал асуудлуудыг ярилцлаа. Өчигдөр таны Байнгын хороон дээрээс олон нийтэд мэдэгдэл хийсэн. С.Зориг агсны хэрэгт хэт яллагч талаас байр сууриа илэрхийлж байна.

-         Өнөөдрийг хүртэл Монголын ард түмний анхаарлын төвд С.Зоригийн амь насыг хөнөөсөн хэрэг байна.  Сүүлийн үед тодорхой хүмүүс энэ хэрэгтэй холбоотой ял эдэлж байгаа. Яллаж байгаа талаасаа баримт мэдээллийг олон нийтэд түгээгээд байна.  Аливаа зүйл бол тэнцвэртэй байх  ёстой. Өмнө нь Их хурлын зургаан гишүүн нээлттэй хэлэлцүүлэг хийн, ар гэрийн төлөөлөл болон өмгөөлөгч нарын үгийг сонсож байсан. Энэ удаа УИХ-ын Хууль зүйн байнгын хороо асуудлыг хэлэлцээд хаалттай байсан энэ хэргийг нээлттэй болголоо. Гэвч хэн нэгэн гишүүн хэргийг үзэх нөхцөл нь бүрдээгүй.