Өнөөдөр /2018.05.30/ УИХ-ын нэгдсэн чуулганаар МУ-ын Ерөнхийлөгчийн 2018 оны 4 дүгээр сарын 6-ны өдөр өргөн мэдүүлсэн Монгол Улсын ХҮҮХЭД БҮРТ хүүхдийн мөнгөн тэтгэмж олгох тухай УИХ-ын тогтоолын төсөл болон Монгол Улсын Засгийн газрын 2018 оны 4 дүгээр сарын 10-ны өдөр өргөн мэдүүлсэн хүүхдийн мөнгөн тэтгэмжийн ХАМРАХ ХҮРЭЭГ НЭМЭГДҮҮЛЭХ талаар цаашид авах арга хэмжээний тухай УИХ-ын тогтоолын төслийн нэгтгэсэн төслийг хэлэлцэж, баталлаа.

Хуулийн төсөл батлагдсанаар 228 мянга орчим хүүхдэд хорин мянган төгрөгийн тэтгэмжийг дөрөвдүгээр сарын 1-нээс нэмж олгох юм.

Эцийн хэлэлцүүлэгт бэлтгэсэн ТБХ-ны санал дүгнэлтийг УИХ-ын гишүүн, Ажлын хэсгийн ахлагч Н.Амарзаяа танилцууллаа.

ТБХ 2018 оны 5 дугаар сарын 29-ний өдрийн хуралдаанаар эцсийн хэлэлцүүлгийг хийжээ. Хууль санаачлагчдын өргөн мэдүүлсэн тогтоолын төслийн үзэл баримтлалуудыг алдагдуулахгүйгээр боловсруулсан нэгтгэсэн төсөл нь 3 заалттай бөгөөд 2 дахь нь 5 дэд заалтаас бүрджээ.

Төслийн 1 дэх заалтад: Өрхийн мэдээллийн нэгдсэн санд өрхийн 0-18 насны нийт хүүхдийн 80 хувь, хүүхдийн мөнгөн тэтгэмжийг сар бүр олгох тухай

2 дахь заалтад: 1.Хүүхдийн мөнгөн тэтгэмжийг олгохтой холбогдуулан холбогдох арга хэмжээг авч хэрэгжүүлэхийг Засгийн газарт даалгах асуудлын талаар

3 дахь заалтад: Монгол Улсын Их Хурлын 2016 оны 64-р тогтоолыг хүчингүй болгох тухай Засгийн газарт даалгах тухай үзжээ.

Нийт хүүхдийн 80 хувьд хүүхийн мөнгөн тэтгэмж олгох тухай хууль эцэслэн батлагдлаа

Нийт хүүхдийн 80 хувьд хүүхийн мөнгөн тэтгэмж олгох тухай хууль эцэслэн батлагдлаа