Б.Цэрэн 2018.06.05 | TV5

2018 онд улсын хэмжээнд 8600 орчим эмэгтэй алдарт эхийн одон авжээ

Монгол Улсын хэмжээнд 208 мянга орчим одонтой ээж бий. Тэдгээрийн 78 мянга нь нэгдүгээр, 130 мянга нь хоёрдугаар зэргийн одонтой.

Эхийн нэгдүгээр зэргийн одонтой ээжид 200 мянган төгрөг, хоёрдугаар зэргийн одонтой ээжид 100 мянган төгрөгийг жилд нэг удаа төрөөс олгодог. Одонтой ээжүүдэд зориулж улсын төсвөөс жилдээ 40 орчим тэрбум төгрөг зарцуулдаг. 2018 онд улсын хэмжээнд алдарт эх одонгоор шагнагдаж байгаа 8600 орчим эмэгтэй бий. Тэдний ихэнхи нь өнгөрөгч 6 сарын 1-нд Монгол Улсын өнцөг булан бүрт одонгоо гардан авцгаалаа.Мөн дүүрэг хороод ижий нарт хүндэтгэл үзүүлжээ.

Хан-Уул дүүргийн ИТХ-ын дарга Б.Цэрэн: Ээжүүддээ алдарт эхийн одон гардуулах ёслолын ажиллагааг 2 дахь жилдээ зохион байгуулж байна. Монгол төрийн бодлого олуулаа байх ёстой гэсэн зарчимийг Хан-Уул дүүргийн удирдлагууд дэмжиж байгаа.