Онцлох мэдээ2 мин унших
УИХ-ын гишүүн Д.Гантулгыг гишүүнээс чөлөөллөө

Сэтгүүлч Tsolmon
Одоохон...
Онцлох мэдээ2 мин унших

Сэтгүүлч Tsolmon
Улсын Их Хурлын гишүүн Д.Гантулга 2018 оны 06 дугаар сарын 11-ний өдөр Улсын Их Хурлын даргад хандаж Улсын Их Хурлын гишүүнээс чөлөөлөгдөх хүсэлтээ ирүүлсэн байна. Тэрбээр ”Д.Гантулга би 2016 оны Улсын Их Хурлын ээлжит сонгуулийн 42 дугаар тойргоос сонгогдон Улсын Их Хурлын гишүүнээр ажиллаж байна. Миний бие Улсын Их Хурлын тухай хуулийн 6 дугаар зүйлийн 6.6.3 дахь заалтыг үндэслэн өөрийн хүсэлтээр Улсын Их Хурлын гишүүнээсээ чөлөөлөгдөх хүсэлт гаргаж байна” хэмээн хүсэлтдээ дурдсаныг Улсын Их Хурлын дэд дарга танилцууллаа.
Байнгын хороо 2018 оны 6 сарын 13-ны өдөр хуралдаж УИХ-ын гишүүн Д.Гантулгын хүсэлтийг хүлээж авах нь зүйтэй гэж үзжээ.
Хэлэлцэж буй асуудалтай холбогдуулан УИХ-ын гишүүн Л.Болд байр сууриа илэрхийлсэн юм.
Ийнхүү ТББХ-ноос гаргасан саналын дагуу нууц санал хураалт явуулахад хуралдаанд оролцсон гишүүдийн олонхи нь Д.Гантулга гишүүний хүсэлтийг хүлээж авах нь зөв гэж үзлээ. УИХ-ын гишүүн Д.Гантулга тугандаа мөргөн, УИХ-ын даргатай гар барин гарсан юм.