Сүхбаатар дүүргийн Засаг дарга Х.Болормаа ӨМОЗО-ны Хөлөнбуйр хотын Засаг даргын орлогч Ма Жинь тэргүүтэй төлөөлөгчдийг хүлээн авч уулзлаа.

Төлөөлөгчдийн бүрэлдэхүүнд Хөлөнбуйр хотын худалдааны газрын дарга Лю Жин Жун ажилтнуудын хамт байлцлаа.

Энэ удаагийн хамтын ажиллагааны зорилго нь хоёр тал эдийн засаг, худалдаа, хөдөө аж ахуй, технологи, аж үйлдвэр, хөрөнгө оруулалтын чиглэлээр хамтран ажиллах хэлцэл байгуулж, Монгол, Орос, Хятад гурван улсын хамтарсан үзэсгэлэн яармагт үйлдвэрлэл эрхлэгчдээ дэмжин оролцуулах байв.

Уулзалтын үеэр Засаг дарга Х.Болормаа:

“Бид өмнө байгуулсан санамж бичгийн хүрээнд хамтын ажиллагаагаа эрчимжүүлж, иргэддээ ээлтэй ажлуудыг хамтран зохион байгуулж, бодит үр дүнд хүргэх тал дээр анхаарч ажиллана” гэлээ.