Улаанбаатар - Дархан чиглэлийн автозамыг 1970-1980 оны хооронд барьж, 2000 онд их засвар хийснээс хойш томоохон шинэчлэл хийгдээгүй. Тэгвэл уг замыг Азийн хөгжлийн банкны 60 сая ам.долларын хөнгөлөлттэй зээлээр засварлан шинэчлэхээр УИХ-аас баталсан. 

УИХ-ын гишүүн, ЗТХ-ийн сайд Ж.Бат-Эрдэнэ: Одоо хамгийн гол асуудал бол урагшаа, хойшоо буюу Налайх, Дархан чиглэлийн зам дээр аваар осол гарах магадлал их байна. Энэ зам арчлалтыг хийхэд 50 гаран тэрбум төгрөг хэрэгцээтэй байхад тал нь ч олгогдохгүй байна. 20-хон тэрбум төгрөгөөр бид 15 мянган км замдаа хуваарилж тавьсан. Улаанбаатар - Дархан чиглэлийн авто замыг бид Азийн хөгжлийн банкны зээлээр бүрэн шинэчлэх төсөл явагдаж байна. Энэ намар ажилдаа орно.