Х.Болормаа 2018.08.24 | undesten.mn

Нийслэлийн засаг даргын орлогч П.Баярхүү Сүхбаатар дүүрэгт ажиллалаа

Нийслэлийн засаг даргын орлогч П.Баярхүү Сүхбаатар дүүрэгт ажиллалаа

Нийслэлийн Засаг даргын захирамжаар байгуулагдсан Ажлын хэсэг Улаанбаатар хотын бүх дүүрэг, хороонд хуваарийн дагуу ажиллаж байгаа.

Энэ дагуу өчигдөр нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү Сүхбаатар дүүрэгт ажиллаа.

Энэ үеэр дүүргийн ЗДТГ-ын дарга Н.Энхболд

“Нийслэлийн Засаг дарга бөгөөд Улаанбаатар хотын захирагчийн 2016-2020 оны үйл ажиллагааны хөтөлбөр, нийслэлийн эдийн засаг, нийгмийн хөгжүүлэх тухайн жилийн үндсэн чиглэлийнэ хэрэгжилт, Агаарын бохирдлыг бууруулах, түүхий нүүрсийг хязгааралахтай холбоотой авч хэрэгжүүлж байгаа арга хэмжээ, Монгол Улсын Засгийн газрын 2017 оны “Сахилга, хариуцлага, дэг журмыг чангатгах тухай” 01 дүгээр албан даалгаврын хэрэгжилт, зорилтот жилийн ажлын хүрээнд хийж хэрэгжүүлж байгаа ажил, арга хамжээний биелэлт, “Манай хороо – Миний гудамж аян”, Шилдэг хороо шалгаруулах болзолт уралдааны хүрээнд зохион байгуулж буй ажлууд. Мөн иргэдээс ирсэн өргөдөл гомдлын шийдвэрлэлт, нийслэлийн Засаг даргаас дүүргийн Засаг даргатай байгуулсан үр дүнгийн гэрээний үүргийн биелэлт, хүн амын хөдөлмөр эрхлэлтийг нэмэгдүүлж, нийгмийн хамгааллыг сайжруулах чиглэлээр авч буй арга хэмжээ, улс, нийслэлийн төсвийн хөрөнгө оруулалтаар хийгдэж байгаа ажлын гүйцэтгэлийн явц зэрэг 15 чиглэлийн хүрээнд ажлаа танилцуулж, харилцан санал солилцлоо.

Засаг дарга Х.Болормаа

 “Сүхбаатар дүүрэг нийслэлийн төвийн дүүрэг, Улаанбаатар хотын өнгө төрхийг тодорхойлж байдаг учраас бүх ажил, үйл ажиллагаа, төсөл хөтөлбөр улс, нийслэлтэйгээ уялдаатай төлөвлөгөөний дагуу чанартай хийгдэх ёстой. Тийм учраас манай хамт олон бүх шатандаа сахилга, хариуцлагатай хичээж ажиллаж байна. Сүхбаатар дүүрэг энэ жил нийслэлийн төсөвт 29.9 тэрбум төвлөрүүлэх төлөвлөгөөгөө эхний найман сарын байдлаар 10 гаруй тэрбум төгрөгөөр давуулан биелүүлээд байна. Түүнээс гадна цаг үеийн асуудалтай холбоотойгоор нийслэлийн төсвөөр баригдаж байгаа 54 цэцэрлэгийн өргөтгөл санхүүжилтгүйн улмаас зогссон асуудлыг шийдвэрлэх, мөн улс, нийслэлийн хөрөнгө оруулалтаар хийгдэж байгаа зарим ажлууд удаашралтай байгаад анхаарлаа хандуулж ажиллахыг” хүслээ.

Уулзалтын төгсгөлд нийслэлийн Засаг даргын орлогч П.Баярхүү цаашдаа нийслэлийн зүгээс шалтгаалах хөрөнгө оруулалт, бүтээн байгуулалтын ажилд дэмжин өвөлжилтийн бэлтгэл, төсөв санхүүтэй холбоотой асуудлыг шийдвэрлэх, сургууль, цэцэрлэгийн газар чөлөөлөлт болон бусад чиглэлээр дүүрэгтэй нягт холбоотой ажиллана гэв.