УИХ-ын Л.Болд асуулт асуулаа

УИХ-ын гишүүн Б.Бат-Эрдэнэ сонгуулийн мөрийн хөтөлбөр яриад байна. Засгийн газрын 4 жилийн үйл ажиллагааны мөрийн хөтөлбөрийн хэлэлцэх үед намын мөрийн хөтөлбөрийг хэрэгжүүлэх үү? үгүй юу? гэдгийг ярьсан. Энэ танхимд манай намынхан мөрийн хөтөлбөрийг чинь уншиж өгөөд, тэмцсээр тэмцсээр тэгээд сонгуулийнхаа мөрийн хөтөлбөрийн 70 хувийг хэрэгжүүлэхгүй ээ гэж асуудлыг шийдсэн. Одоо бид ирэх жилийн төсөв хэлэлцэж байна. Төсөвт тавигдаж байгаа шаардлага, хэрэгжүүлэх бодлого гэдэг бол

Үндсэн хуулийн 25.1.7-д заасан дагуу бодлогыг хэлнэ. Үндсэн хуулиа харж, хэрэгжүүлж, дагуу үйл ажиллагаа явуулдаг ийм тогтолцоо байсан бол олон зүйлийг засах боломжтой болсон. Сангийн сайдаас асуумаар байна. Үндсэн хуулийн дагуу бид Үндсэн чиглэлээ баталсан. Энэ үндсэн чиглэлийг баримталж төсвөө боловсруулсан уу? тэнд байгаа зорилтуудыг төсөвт суулгасан уу? эсвэл дандаа хувийн лобби, тодорхой компани, бүлэглэлийн эрх ашгийн тусгаж, зүгээр нэг хөрөнгө оруулалтын жагсаалт болгож хийсэн үү? тодорхой хариулт авмаар байна.

Тэгэхээр Үндсэн хуулиа уландаа гишгэсэн бодлого чинь хэвээрээ байгаа юу? хэрэв мөрдөж байгаа бол Үндсэн чиглэлээс нь тодруулж асууна.

Сангийн сайд Ч.Хүрэлбаатар хариуллаа

2019 оны төсвийг хийхдээ бид Монгол улсын эдийн засгийн өсөлтийг хангах, үржүүлэх, иргэдийнхээ орлогыг нэмэгдүүлэх, эдийн засгийн хямралаас гаргах, буурсан байсан валютын нөөцөө нэмэгдүүлэх, Монгол улсын зээлжих зэрэглэлийг нэмэгдүүлэх, төсвийн сахилга батыг дээшлүүлэх зэрэг зорилгууд тавигдаж хийгдсэн. Засгийн газрын 4 жилийн хөтөлбөрийг харж хэрэгжүүлэх ажлын жагсаалтыг оруулж ирж байгаа. Мэдээж төсвийг хийхдээ Монгол улсын Үндсэн хууль болон бусад хуулийг дээдлэж оруулж ирж байгаа. Ямар бүлэглэлийн лобби орсон төсөв урьд өмнө нь хийдэг байсан байж магадгүй, одоо бол тийм зүйл байхгүй.

Л.Болд: Үндсэн хуулиа уландаа гишгэсэн бодлого чинь хэвээрээ байгаа юу?