Энх-Амгалан 2018.11.08 | Мэргэжлийн холбооны хэвлэл мэдээллийн алба

XX чуулганы үеэр 17 төрлийн мэргэжлийн үзэсгэлэн гарч байна

XX чуулганы үеэр 17 төрлийн мэргэжлийн үзэсгэлэн гарч байна

 Дэлхийн нягтлан бодогчдын 20 дахь чуулган /WCOA-2018/ Австрали улсын нийслэл Сидней хотод 3 дахь өдрөө үргэлжилж байна. “Глобал Сорилтууд, Глобал Удирдагчид” сэдвийн дор болж байгаа 20-р чуулганд ММНБИ-ээс 50 төлөөлөгч оролцож байна. 

Энэ удаагийн чуулганаар технологийн хувьсал, санхүүгийн мэдээллийн зөв ашиглалт, хиймэл оюун ухаанаар дамжуулан шийдвэр гаргах зэрэг дэлхий нийтийн анхаарал татаж буй асуудлуудыг хэлэлцэж байгаа бөгөөд 4 өдрийн турш 6 нэгдсэн хуралдаан, 30 салбар хуралдаан болох юм. 

Өнөөдөр болж байгаа нэгдсэн хуралдаанд НҮБ-ын Ерөнхий нарийн бичгийн асан Бан Ги Мүн оролцож “Дэлхий нийтийн ирээдүйд учирч болохуйц эрсдлүүд” сэдвээр илтгэл хэлэлцүүллээ. “Мэргэжлийн ирээдүйн баталгаа хандлага, ур чадвар, оюун ухаан, зан төлөв” сэдвээр бас нэгдсэн хуралдаан боллоо.

Харин салбар хуралдаанууд Ази тивийн бизнесийн орчинг тодорхойлох нь, Дараагийн үе –шинэ ажиллах хүчийг бий болгох, Аудит ба программ хангамж, Ирээдүйн санхүүгийн хамтрагчид, Кибер гэмт хэргээс урьдчилан сэргийлэх-Мэдээлэл болон цахим валютын эрсдэл, Fintech өсөлт-Төв банкуудад тулгарч буй асуудлууд, Санхүү эрхэлсэн захирал, Дэлхийг өөрчилж буй залуу нягтлан бодогчид, Хувьцаа эзэмшигчдэд тоон үзүүлэлтийг хэрхэн ойлгомжтойггор танилцуулж эерэг хариу авах вэ?, Дижитал ирээдүй-ажлын шинэ арга барилууд сэдвүүдээр үргэлжилж байна.  

урлын үеэр 17 төрлийн мэргэжлийн үзэсгэлэн явагдаж байна. Зохион байгуулагчдын зүгээс хуралд оролцогчдод “WCOA2018 app”-аар илтгэгчдээс илтгэгчдээс шууд асуух асуулт боломжийг олгосон бол манай улсаас оролцож байгаа төлөөлөгдөд анх удаа хурлын явцыг төрөлх хэлээрээ сонсох боломжийг бүрдүүлж өгсөн билээ. 
 Дараагийн 21-р чуулган 2022 онд Энэтхэгийн Мумбай хотод зохион байгуулагдахаар болжээ.