Д.Сарангэрэл 2019.01.23 | МҮОНТВ

Томуу өвчнийг бууруулахад 700-1000 ортой эмнэлэг барьж, 10 тэрбум төгрөгийг төсөвт суулгах шийдвэрийг гаргалаа

Энэ талаар Эрүүл мэндийн сайд Д.Сарангэрэл "Томуу өвчний тархалт сүүлийн 24 хоног харьцангуй буурч байна. Гэхдээ тайвширч болохгүй. Сар шинийн баяртай холбоотойгоор дэгдэлт нэмэх эрсдэлтэй. Орны ачаалал 3.6 хувь нэмэгдсэн. Өвдсөн хүүхдүүдий эмнэлгийн коридорт шалан дээр биш оронд авч байгаа. Өнгөрсөн долоо хоногоос эхлэн хүүхдийг коридорт авахгүй байгаа.

Цэргийн госпиталь 78 ортой хүүхдийн тасаг нээсэн. Ингэснээр БЗД-ийн тав, Чингэлтэй дүүргийн хоёр хорооны хүүхэд уг тасагт хэвтэн эмчлүүлж байна. СХД-ийн нэгдсэн эмнэлэгт мөн хүүхдийн тасаг нээсэн. Цаашид гал унтраах зорилгоор түр зохион байгуулалтын ажлыг хийх бус хүүхэд бүрт хүрэлцэх ортой болох саналыг Улсын онцгой комисс болон намын бүлэгтээ тавилаа.

Мөн иргэдийг томуугийн вакцинаар хангахад шаардлагатай санхүүжилт болон 700-1000 ортой хүүхдийн эмнэлгийг барих төсөв хөрөнгийг 2019 оны төсөвт суулгахыг бүлгийн өнөөдрийн хуралдаанаас дэмжлээ. Манай улс хүн амынхаа 0.6 хувийг томуугийн вакцинд хамуулсан. Хүн амын 40 гаруй хувийг томуугийн вакцинд хамруулахад 10 орчим тэрбум төгрөг шаардлагатай байгаа юм. Энэ хөрөнгийг төсөвт суулгах шийдвэрийг манай бүлгийн хуралдаанаас гаргасан” гэлээ.