Өнөөдөр /2019.01.24/ УИХ-ын нэгдсэн чуулганаар "Төрийн жинхэнэ албан хаагч болон төрийн албанд нэр дэвшигчийн эрх зөрчигдсөн тухай маргааныг хүлээн авч, хянан шийдвэрлэх журам батлах тухай" УИХ-ын тогтоолын төслийн анхны хэлэлцүүлгийг хийлээ.

Хуулийн төслийг анхны хэлэлцүүлгийг хийсэн ТББХ-ны санал дүгнэлтийг УИХ-ын гишүүн С.Бямбацогт танилцууллаа.

Байнгын хороо 2019 оны 01 сарын 23-ны өдрийн хуралдаанаараа тогтоолын төслийн анхны хэлэлцүүлгийг хийжээ. Байнгын хорооны хурлаар ажлын хэсгээс гаргасан саналын зөрүүтэй саналын томъёолол тус бүрээр санал хураалт явуулан чуулганы хуралдаанд хэлэлцүүлэхээр бэлтгэсэн байна.

Хэлэлцэж буй асуудалтай холбогдуулан УИХ-ын гишүүн О.Баасанхүү, Л.Энх-Амгалан, Ц.Мөнх-Оргил, Н.Учрал, Б.Баттөмөр, Х.Баделхан, Д.Оюунхорол нар асуулт асууж, байр сууриа илэрхийллээ.

Үүний дараа зарчмын зөрүүтэй саналын томъёолол тус бүрээр санал хураалт явуулсны дараа тогтоолын төслийг эцсийн хэлэлцүүлэгт бэлтгүүлэхээр ТББХ-нд шилжүүлэв.

Төрийн албан хаагчийн эрх зөрчигдсөн маргааныг шийдвэрлэх тухай хэлэлцлээ