Өнөөдөр /2019.02.01/ УИХ-ын нэгдсэн чуулганаар Төрийн зарим байгууллагын албан тушаалын ангилал, зэрэглэлийг тогтоох тухай тогтоолын төслийг баталлаа.

Хуулийн төслийн эцсийн хэлэлцүүлгийг хийсэн ТББХ-ны санал дүгнэлтийг УИХ-ын гишүүн Д.Тогтохсүрэн танилцуулав. 

ТББХ 2019 оны 01 сарын 29-ний өдрийн хуралдаанаараа тогтоолын төслийн эцсийн хэлэлцүүлгийг хийсэн байна. Байнгын хорооны хуралдаанд гишүүдээс асуулт, үг гараагүй бөгөөд тогтоолын дагаж мөрдөх хугацааг ердийн журмаар дагаж мөрдөхөөр тогтжээ.

Байнгын хорооны санал дүгнэлттэй холбогдуулан үг хэлж, асуулт асуух гишүүн байсангүй. Ингээд тогтоолын төслийг эцэслэн батлъя гэсэн саналын томъёоллын дагуу санал хураалт явуулахад хуралдаанд оролцсон гишүүдийн олонх нь дэмжлээ.