Х.Нямбаатар: Салбарын яам эрүү, зөрчлийн хуулийг огт сурталчилахгүй байна
Өнөөдөр Эдийн Засгийн байнгын хорооны хуралдаанаар “Монгол Улсын эдийн засаг, нийгмийг 2018 онд хөгжүүлэх үндсэн чиглэл”-ийн биелэлтийг хэлэлцэв.
Хэлэлцүүлгийн үеэр УИХ-ын гишүүн Х.Нямбаатар хэд хэдэн хүнээс асуулт асуусан юм.
Тэрээр Сангийн дэд сайд Х.Булгантуяагаас "Эдийн засгийг эрчимжүүлэх" УИХ-ын тогтоол гарсан. Энэ тогтоолын хэрэгжилтийг дүгнэсэн үү? одоо эдийн засаг эрчимжчихсэн үү? цаашид дараагийн ямар алхам, арга хэмжээ авах талаар эдийн засгийн бодлого боловсруулж байна уу? Эдийн засгийн хэрхэн солонгоруулах бодлого барьж байна вэ? одоохондоо уул уурхайн бүтээгдэхүүний үнэ өсөлттэй байгаа учраас толгой өвдөхгүй төсөв бүрдэж байна. Энэ хугацаатай гэдгийг бид мэдэж байгаа. Тэгэхээр эдийн засгаа хэрхэн солонгоруулах ёстой гэж та харж байна вэ?
Үндсэн чиглэлийн 5 хэсэгт бүхэлдээ Засаглалын сайжруулах талаар тусгасан байгаа. Тэгэхээр энэ талаар ЗГХЭГ-ын дарга Л.Оюун-Эрдэнээс асууя. Төрийн албан хаагчдын тоог бууруулах талаар ямар бодлого барьж байна вэ? Ажлын байрны зураг авалт хийхээр төлөвлөж байгаа юу? Сая Эрдэнэтийг 100 хувь төрийн өмч болголоо гэсэн. цаашид энэ үйлдвэрийг гадаад, дотоодын хөрөнгийн бирж дээр гаргах бодлого байгаа юу? Баялагийн сан бий болгох ажил юу болж байна вэ?
Тавантолгой IPO хийгээд ирэхээр эдийн засагт хэрхэн нөлөөлөх тооцоо гаргасан зүйл байна уу?
Хууль зүйн яамны Төрийн нарийн бичгийн дарга Г.Билгүүн "Эрүү, зөрчлийн хуулийг зохион байгуулалттай муулдаг ажил хийгддэг болсон. Харин танай яамнаас хууль сурталчлах чиглэлээр ямар ч ажил хийхгүй байна. Өнгөрсөн онтой харьцуулбал, гэмт хэргийн тоо буурсан олон үзүүлэлт байгаа шүү. Та бүхэн энэ эерэг үзүүлэлтээ яагаад сурталчлахгүй байна вэ? Зөрчлийн тухай хуулийг МАНГАС гээд байгаа. Энэ хуулиар нийт шийтгүүлж байгаа хэргийн 98 хувь нь зам тээврийн осол байгаа шүү. Хоёрхон хувь нь бусад 11 мянган субъектийн оногдуулж байгаа зөрчил байгаа шүү".
Түүний асуултад ажлын хэсгийнхэн хариулт өглөө.
