А.Сүхбат 2019.04.11 | Vip76.mn

А.Сүхбат: Монгол Улсын хоол хүнсний хил хязгаараа алдчихсан байна

УИХ-ын чуулганы өнөөдрийн /2019.04.11/ нэгдсэн хуралдаан 10 цагт  58.7 хувийн ирцтэйгээр эхэлж  Улсын Их Хурлын гишүүн Ц.Мөнх-Оргил Б.Ундармаа нарын найман гишүүнээс 2018 оны 06 дугаар сарын 28-ны өдөр өргөн мэдүүлсэн "Ерөнхий боловсролын сургуулийн хоол үйлдвэрлэл, үйлчилгээний тухай хуулийн төсөл болон хамт өргөн мэдүүлсэн Хууль хэрэгжүүлэх зарим арга хэмжээний тухай Улсын Их Хурлын тогтоолын төслийн" анхны хэлэлцүүлгийг хийж байна.

УИХ-ын гишүүд энэхүү хуулийн төсөлтэй холбогдуулан санаачлагчид болон ажлын хэсгээс асуулт асууж байна. 

УИХ-ын гишүүн А.Сүхбат:

"Хэн ч үр хүүхэддээ чанартай хоол хүнс өгөхийг хүсэж байгаа ч чанаргүй химийн бордоотой гэх мэт хоол хүнсээр хангаад байх вий гэдэг айдас бас байна. Ямар хоол хүнсээр хангахаа хэлж өгөөч?

Монгол Улсын хоол хүнсний хил хязгаараа алдчихсан. Дурын бүтээгдэхүүн л орж ирж байгаа. Эцэг эхчүүд, хүүхдүүд ч өөрдсөө юу идэж байгаагаасаа айж байна.

300 гаруй тэрбум төгрөгийг 3 жилийн дотор хүүхдийн хоолонд зарцуулна гэнэ. Өөр аргачиллаар шийдэж болохгүй юу? Эцэг эхчүүдэд нь өгдөг ч юм уу?

Үдийн цай хөтөлбөрт уламжлалт хоол хүнсээ оруулж болох уу? Монголчууд эртнээс ямар цагт ямар хоол хүнс хэрэглэх ёстой вэ гэдгийг гаргаад ирсэн ард түмэн юм. Үүн дээр анхаарсан уу?"

Түүний асуултанд хуулийн төслийн ажлын хэсэг хариулт өглөө.