УИХ-ын чуулганы өнөөдрийн /2019.04.11/ нэгдсэн хуралдаан 10 цагт  58.7 хувийн ирцтэйгээр эхэлж  Улсын Их Хурлын гишүүн Ц.Мөнх-Оргил Б.Ундармаа нарын найман гишүүнээс 2018 оны 06 дугаар сарын 28-ны өдөр өргөн мэдүүлсэн "Ерөнхий боловсролын сургуулийн хоол үйлдвэрлэл, үйлчилгээний тухай хуулийн төсөл болон хамт өргөн мэдүүлсэн Хууль хэрэгжүүлэх зарим арга хэмжээний тухай Улсын Их Хурлын тогтоолын төслийн" анхны хэлэлцүүлгийг хийж байна.

УИХ-ын гишүүд энэхүү хуулийн төсөлтэй холбогдуулан санаачлагчид болон ажлын хэсгээс асуулт асууж байна. 

УИХ-ын гишүүн Ц.Гарамжав

Зөв сэдвийг цагаа олж ярьж байна гэж харж байна. Улс орон цаг үеэ дагаад хөгжихын зэрэгцээ хүнсний үйлчилгээний салбар дээр дутагдал гарч байна.

Хариуцлага маш муу байгаа учраас нийтийг хамарсан янз бүрийн хордлого, өвчин гарч байна. Тиймээс билд хамгийн түрүүнд хоол хүнсний стандарт, чанар, хугацаа, ханган нийлүүлэлт дээр анхаарах ёстой.

Эхлэх хэрэгтэй эхэлж байж бид алдаа оноогоо хэмжинэ. Жилд 20-25 сая төгрөг юм бол энийг улсын төсөв маань гаргах чадвартай гэж үзэж байна.

Нэг хоолны газар нэг л шөлөө хийдэг. Манайх шиг бүгдийг нь нэг газар хийнэ гэхгүй. Тиймээс төрөлжих шаардлагатай. Эко хүнс байх уу гений өөрчлөлттэй хүнс байх уу?  баяжуулсан хүнс өгөх үү гэдгээ хуулиндаа оруулж өгөөрэй. Ихэвчлэн эко эх орныхоо хүнс, цагаан идээгээ аваарай гэсэн санааг олон гишүүн гаргаж байна шүү.