УИХ-ын чуулганы өнөөдрийн /2019.04.11/ үдээс хойших нэгдсэн хуралдаанаар  Ерөнхий боловсролын сургуулийн хоол үйлдвэрлэл, үйлчилгээний тухай хуулийн анхны хэлэлцүүлгийг хийж байна. Хэлэлцүүлэгтэй холбоотой УИХ-ын гишүүд асуулт асууж, байр сууриа илэрхийлж байна.

Энэ үеэр УИХ-ын гишүүн Ц.Цогзолмаа дараах байр суурийг илэрхийллээ.

Хүүхдийн хоол хүнсний үйлдвэрлэл, хүүхдийг чанартай хоол хүнсээр сургалтын үед дэмжих асуудал. Энийг бүр сууриар нь аваад үзэх юм бол Эрүүл хүүхэд- Ирээдүйн Монгол иргэн байна. Хүүхдийг цэцэрлэг сургуульд байхаас нь эрүүл хооллолтын жаяг, ямар хүнс хэрэглэх ёстой вэ, ямар хүнсийг хэрэглэж болохгүй вэ гэдгийг сургах ёстой.

Цаашдаа бид яах ёстой вэ гэхээр ОХУ, Солонгос болон бусад орнуудын туршлагаас харахаар хүүхдийн хоол хүнсний үйлдвэр гэж тусдаа байдаг. Өглөө бүр хүүхдэд ижил төрлийн ижил орцтой хоол хүнс өгдөг. Энэ асуудлыг шийдэх нь манай төрийн үүрэг байх ёстой.