Эдийн засгийн байнгын хорооны хуралдаан 12:00 цагт эхэлж, Хэмжил зүйн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Засгийн газар 2018.06.26-ны өдөр өргөн мэдүүлсэн, анхны хэлэлцүүлэг/ хийж байна.

Энэ хууль хэрэгжсэнээр олон улсын жишгийн дагуу Хэмжилзүйн хүрээлэн байгуулж, хэмжилзүйн судалгаа шинжилгээний асуудал эрхлэх юм. Мөн орон нутгийн хэмжих хэрэгслийн чадавхийг сайжруулах ажээ.

Гишүүд асуулт асууж хариулт авч байр сууриа илэрхийлж байна.

УИХ-ын гишүүн Б.Баттөмөр

Стандартын шинжлэх ухаан бусад шинжлэх ухаанаас түрүүлж явах ёстой. Тэгэхээр энэ хуулийг хэлэлцэх явцдаа бид маш сайн анхаарах хэрэгтэй. Мэргэжлийн хяналтын байгууллагатай давхцлаа арилгаарай. Монголчууд бид дэлхийн хамаг муу чанаргүй хямд юмыг авч байна. Энийг тодорхой үе шаттайгаар шийдэх арга замыг хайх хэрэгтэй. Зардалыг нэмж болохгүй хэмнэх ёстой. Монголын төрд өнөөдөр 193 мянган төрийн албан хаагч байгаа.

Олон улсын туршлагыг нэвтрүүлэх, Хэмжих хэрэгсэлийн үйлдвэрлэлийг дэмжих, валют хэмнэх гээд олон асуудал байна энэ дээр та бүхэн ажиллаарай.

Стандарт хэмжил зүйн байгууллагын хувьд бол төрийн бус байгууллага болгоод хувийн хэвшилийн аж ахуй нэгжүүдтэй маш сайн хамтарч ажиллах шаардлагатай. Зөрчлийн хуультай уяалдуулж хариуцлагын асуудлыг нилээн сайн оруулж өгөх шаардлага үүсэж байна.

Б.Баттөмөр: Зардалыг нэмж болохгүй хэмнэх ёстой